ಕೋವಿಡ್ 19 ಲಾಕ್ಡೌನ್ ಹಿನ್ನೆಲೆಯಲ್ಲಿ ಪ್ರಧಾನಮಂತ್ರಿ ಗರೀಬ್ ಕಲ್ಯಾಣ ಯೋಜನೆಯಡಿ ಮಹಿಳೆಯರ ಜನಧನ ಖಾತೆಗಳಿಗೆ ತಲಾ 500 ರೂ. ನೇರ ನಗದು ಎರಡನೇ ಕಂತಿನ ಹಣ ಜಮೆ ಮಾಡಲಾಗಿದೆ.
ಪ್ರಧಾನ ಮಂತ್ರಿ ಗರೀಬ್ ಕಲ್ಯಾಣ ಯೋಜನೆಯಡಿ ಫಲಾನುಭವಿ ಮಹಿಳೆಯರ ಖಾತೆಗೆ ಹಣ ವರ್ಗಾಯಿಸಲಾಗಿದೆ ಎಂದು ವಿತ್ತ ಸಚಿವಾಲಯ ಶನಿವಾರ ತಿಳಿಸಿದೆ.
ಲಾಕ್ಡೌನ್ ಘೋಷಿಸಿದ್ದರಿಂದ ಜನರಿಗೆ ನೆರವಾಗಲು ಮೂರು ತಿಂಗಳು ತಲಾ 500 ರೂ. ನೀಡುವುದಾಗಿ ಕೇಂದ್ರ ಸರ್ಕಾರ ಘೋಷಿಸಿತ್ತು. ಈಗಾಗಲೇ ಏಪ್ರಿಲ್ ಕಂತಿನ ಹಣವನ್ನು ನೀಡಲಾಗಿದೆ.
ನಿಗದಿತ ದಿನದಂದೇ ಹಣ ಬಿಡಿಸಿಕೊಳ್ಳುವ ನಿಟ್ಟಿನಲ್ಲಿ ಖಾತೆ ಸಂಖ್ಯೆಯ ಕಡೆಯ ಅಂಕಿ 0,1 ಇದ್ದವರಿಗೆ ಮೇ 4ರಂದು ಹಣ ಜಮೆ ಆಗಲಿದೆ. ಕಡೆಯ ಅಂಕಿ 2, 3 ಇದ್ದವರಿಗೆ ಮೇ 5 ರಂದು, ಕಡೆಯ ಅಂಕಿ 4, 5 ಇದ್ದವರಿಗೆ ಮೇ 6, ಕಡೆಯ
ಅಂಕಿ 6, 7 ಇದ್ದವರಿಗೆ ಮೇ 8, ಕಡೆಯ ಅಂಕಿ 9, 10 ಇದ್ದವರಿಗೆ ಮೇ 11 ರಂದು ಹಣ ವರ್ಗಾವಣೆ ಆಗಲಿದೆ.
ಆಯಾ ದಿನದಂದು ಜನರು ಹಣ ಬಿಡಿಸಿಕೊಳ್ಳಬಹುದಾಗಿದೆ, ಇಲ್ಲವೇ ಮೇ 11ರ ಬಳಿಕ ಯಾವಾಗ ಬೇಕಾದರೂ ಡ್ರಾ ಮಾಡಿಕೊಳ್ಳಬಹುದು. ಇದರಿಂದ ಒಮ್ಮೆಲೆ ಜನರು ಬ್ಯಾಂಕ್ಗಳ ಮುಂದೆ ಮುಗಿ ಬೀಳುವುದು ತಪ್ಪಲಿದೆ.
ಮಹಿಳಾ ಜನಧನ ಖಾತೆಗೆ ನೇರ ನಗದು ಜಮೆ
ನಿಮ್ಮ ಬೆಂಬಲ ಸದಾ ಇರಲಿ
ನಮ್ಮ ಪತ್ರಿಕೆಯ ಜೀವನಾಡಿಯಾಗಿರುವ ಪ್ರತಿಯೊಬ್ಬ ಓದುಗರಿಗೆ ಪ್ರೀತಿಯ ಧನ್ಯವಾದಗಳು. ನಿಮ್ಮಂತಹ ಓದುಗರಿಂದಲೇ ಕೃಷಿ ಪತ್ರಿಕೋದ್ಯಮವನ್ನು ಮುಂದೆ ಸಾಗಿಸಲು ನಮಗೆ ಸ್ಫೂರ್ತಿ ಸಿಗುತ್ತದೆ. ಗುಣಮಟ್ಟದ ಕೃಷಿ ಪತ್ರಿಕೋದ್ಯಮವನ್ನು ಬೆಳೆಸಲು ಮತ್ತು ಗ್ರಾಮೀಣ ಭಾರತದ ಪ್ರತಿಯೊಂದು ಮೂಲೆಯ ರೈತರು ಮತ್ತು ಜನರಲ್ಲಿಗೆ ತಲುಪಿಸಲು ನಿಮ್ಮಂತಹ ಓದುಗರ ಬೆಂಬಲ ನಮಗೆ ಸದಾ ಬೇಕು. ನಿಮ್ಮ ಅಲ್ಪ ಕೊಡುಗೆಯೂ ನಮ್ಮ ಭವಿಷ್ಯಕ್ಕಾಗಿ ಮೌಲ್ಯಯುತವಾಗಿರುತ್ತದೆ.
ಕೊಡುಗೆ ನೀಡಿ (Contribute now)
Share your comments