ಸಾಮಾನ್ಯವಾಗಿ ಒಂದು ಮಾತಿದೆ. ಹುಲಿಗಳು ಜೀವಂತವಾಗಿ ಇರುವ ವರೆಗೂ ಕಾಡುಗಳು ಸುರಕ್ಷಿತವಾಗಿರುತ್ತದೆ ಎಂದು. ಇನ್ನು ನಮ್ಮ ದೇಶದಲ್ಲಿ ಈಗ ಎಷ್ಟು ಹುಲಿಗಳಿವೆ ಇಲ್ಲಿದೆ ಮಾಹಿತಿ.
ಹುಲಿ ಭಾರತದ ರಾಷ್ಟ್ರೀಯ ಪ್ರಾಣಿಯೂ ಹೌದು. ಆದರೆ, ಬೇಟೆಗಾರರದಾಳಿ ಸೇರಿದಂತೆ ವಿವಿಧ ಕಾರಣದಿಂದ ಭಾರತದಲ್ಲಿ ಹುಲಿಗಳ ಸಂತತಿ ಗಣನೀಯ ಪ್ರಮಾಣದಲ್ಲಿ ಇಳಿಕೆ ಆಗುತ್ತಲೇ ಇದೆ.
ದೇಶದ ಪ್ರಾಜೆಕ್ಟ್ ಟೈಗರ್ ಅಭಿಯಾನದ 50 ವರ್ಷಗಳ ಅಂಗವಾಗಿ ಭಾನುವಾರ ನಡೆದ ಕಾರ್ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಹುಲಿ ಗಣತಿ ವರದಿಯನ್ನು ಬಿಡುಗಡೆ ಮಾಡಿದ್ದಾರೆ.
ಪ್ರಾಣಿಗಳ ಸಂಖ್ಯೆಯು ಆತಂಕಕಾರಿಯಾಗಿ ಕಡಿಮೆಯಾದ ನಂತರ 1973ರಲ್ಲಿ ಮಾಜಿ ಪ್ರಧಾನಿ ಇಂದಿರಾ ಗಾಂಧಿಯವರು ಪ್ರಾಜೆಕ್ಟ್ ಟೈಗರ್ ಯೋಜನೆಯನ್ನು ಪ್ರಾರಂಭಿಸಿದರು.
ಇತ್ತೀಚಿನ ಹುಲಿ ಗಣತಿಯ ವರದಿಯನ್ನು ನೋಡುವುದೇ ಆದರೆ, ಭಾರತದಲ್ಲಿ 3,167 ಹುಲಿಗಳಿವೆ.
ಈ ಪ್ರಮಾಣವು ಕಳೆದ 4 ವರ್ಷಗಳಿಗೆ ಹೋಲಿಕೆ ಮಾಡಿದರೆ, ಹುಲಿಗಳ ಸಂತತಿಯಲ್ಲಿ 200 ಹುಲಿಗಳು ಸೇರ್ಪಡೆ ಆಗಿದೆ.
ಇನ್ನು ಸಂತಸದ ಸಂಗತಿ ಏನೆಂದರೆ, ವಿಶ್ವದ 70% ಕ್ಕಿಂತ ಹೆಚ್ಚು ಹುಲಿಗಳನ್ನು ಭಾರತ ಹೊಂದಿದೆ ಎಂದು ಅಂದಾಜಿಸಲಾಗಿದೆ.
ಭಾರತವು ಹುಲಿಯನ್ನು ಉಳಿಸಿದೆ ಆದರೆ ಅದಕ್ಕೆ ಅಭಿವೃದ್ಧಿ ಹೊಂದಲು ಒಂದು ದೊಡ್ಡ ಪರಿಸರ ವ್ಯವಸ್ಥೆಯನ್ನು ನೀಡಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.
1875 ಮತ್ತು 1925 ರ ನಡುವೆ ಭಾರತದಲ್ಲಿ ಸುಮಾರು 80,000 ಹುಲಿಗಳನ್ನು ಕೊಲ್ಲಲಾಯಿತು ಎನ್ನಲಾಗುತ್ತದೆ.
ಈ ಸಂದರ್ಭದಲ್ಲಿ ಬೇಟೆಯಾಡುವುದು ಮತ್ತು ಕ್ರೀಡಾ ಬೇಟೆಯು ಅತಿರೇಕವಾಗಿತ್ತು. ಅಲ್ಲದೇ 1960ರ ವೇಳೆಗೆ ಹುಲಿಗಳ ಸಂಖ್ಯೆಯು ತೀವ್ರವಾಗಿ ಕಡಿಮೆ ಆಗಿತ್ತು.
ಆಗ ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರು ತೆಗೆದುಕೊಂಡ ಕ್ರಮಗಳು ಹುಲಿ ರಕ್ಷಣೆಯಲ್ಲಿ ಪ್ರಮುಖ ಪಾತ್ರ ವಹಿಸಿದವು.
ಭಾರತದ ರಾಷ್ಟ್ರೀಯ ಪ್ರಾಣಿಯಾಗಿರುವ ಹುಲಿಯನ್ನು ಸಂರಕ್ಷಿಸಲು ಹಲವಾರು ಸರ್ಕಾರಿ ಉಪಕ್ರಮಗಳು
ಬೇಟೆಯ ನಿಷೇಧ ಮತ್ತು ಹಳ್ಳಿಗಳಲ್ಲಿ ಜಾಗೃತಿ ಅಭಿಯಾನಗಳು ಸೇರಿದಂತೆ ವಿವಿಧ ತುರ್ತು ಕ್ರಮಗಳನ್ನು ಕೈಗೊಳ್ಳಲಾಯಿತು.
ಭಾರತೀಯ ರೈಲ್ವೆ: ರೈಲು ಅಪಘಾತದಲ್ಲಿ ಸಾವಿರಾರು ಜಾನುವಾರು ಸಾವು!
ಮನುಷ್ಯರೊಂದಿಗಿನ ಸಂಘರ್ಷದ ಸಂದರ್ಭಗಳಲ್ಲಿ ಕಾಡು ಪ್ರಾಣಿಗಳನ್ನು ಕೊಲ್ಲುವುದು ಅಥವಾ ಸೆರೆಹಿಡಿಯುವುದು
ವಾಸ್ತವಿಕವಾಗಿ ಕಾನೂನುಬಾಹಿರವಾಗುವಂತೆ ಕಾನೂನುಗಳನ್ನು ಬಲಪಡಿಸಲಾಯಿತು.
ಇದಾದ ನಂತರ ಇತ್ತೀಚಿನ ವರ್ಷಗಳಲ್ಲಿ ಅಂದರೆ, 2006 ರಿಂದ, ಹುಲಿ ಸಂಖ್ಯೆಯಲ್ಲಿ ಆರೋಗ್ಯಕರ ಏರಿಕೆ ಕಂಡುಬಂದಿದೆ.
2022 ರ ವರದಿಯ ಪ್ರಕಾರ, ಮಧ್ಯಪ್ರದೇಶ ಮತ್ತು ಮಹಾರಾಷ್ಟ್ರ ರಾಜ್ಯಗಳಲ್ಲಿ ಹುಲಿಗಳು ಹೊಸ ಪ್ರದೇಶಗಳನ್ನು
ಪ್ರವೇಶಿಸಿದ ನಂತರ ಉತ್ತರದಲ್ಲಿ ಶಿವಾಲಿಕ್ ಮತ್ತು ಗಂಗಾ ನದಿಯ ಪ್ರವಾಹ ಬಯಲು ಪ್ರದೇಶಗಳಲ್ಲಿ ಹುಲಿಗಳ ಸಂಖ್ಯೆ ಗಣನೀಯವಾಗಿ ಹೆಚ್ಚಾಗಿದೆ.
ಕೇಂದ್ರ ಮೀಸಲು ಪೊಲೀಸ್‌ ಪಡೆಯ ನೇಮಕಾತಿ ಕನ್ನಡದಲ್ಲಿ ನಡೆಸಲು ಆಗ್ರಹ
ಇನ್ನು ಪಶ್ಚಿಮ ಘಟ್ಟಗಳು, ಭಾರತದ ಪಶ್ಚಿಮ ಕರಾವಳಿಯಲ್ಲಿ ಹಾದು ಹೋಗುವ ಪರ್ವತ ಶ್ರೇಣಿ, ಹುಲಿ ಸಂತತಿಯಲ್ಲಿ ಇಳಿಕೆ ಆಗಿದೆ.
ಅರಣ್ಯ ಸಂರಕ್ಷಿತ ಮೀಸಲು ಪ್ರದೇಶಗಳು ಸೇರಿದಂತೆ ಹಲವಾರು ಪ್ರದೇಶಗಳಲ್ಲಿ ಸ್ಥಳೀಯ ಹುಲಿ ಜನಸಂಖ್ಯೆಯು ಅಳಿವಿನಂಚಿನಲ್ಲಿರುವುದು ವರದಿ ಆಗಿದೆ.
ಜಾರ್ಖಂಡ್ ಮತ್ತು ಆಂಧ್ರಪ್ರದೇಶ ಸೇರಿದಂತೆ ರಾಜ್ಯಗಳಲ್ಲಿ ಗಂಭೀರ ಸಂರಕ್ಷಣಾ ಪ್ರಯತ್ನಗಳು ಅಗತ್ಯವಿದೆ ಎನ್ನಲಾಗಿದೆ.
ಆದರೆ, ಒಟ್ಟಾರೆ ದೇಶದಲ್ಲಿ ಹುಲಿಗಳ ಸಂತತಿ ಹೆಚ್ಚಳವಾಗುತ್ತಿರುವುದು ಸಂತಸದ ಸಂಗತಿಯೇ ಸರಿ.