ಆಧಾರ್ ಕಾರ್ಡ್ ಪರಿಚಯಿಸಿದ ಮೇಲೆ ಹಲವು ಬದಲಾವಣೆಗಳು ಆಗಿವೆ. ಅವುಗಳಲ್ಲಿ ಅವ್ಯವಹಾರವನ್ನು ತಪ್ಪಿಸುವುದು ಸಹ ಪ್ರಮುಖವಾದದ್ದು.
ಪಾಕಿಸ್ತಾನದಲ್ಲಿ ಹಣ ದುಬ್ಬರ: ಆಹಾರಕ್ಕೆ ಸೃಷ್ಟಿ ಆಯ್ತು ಹಾಹಾಕಾರ!
ಆಧಾರ್ ಕಾರ್ಡ್ ಪರಿಚಯಿಸಿದ ಮೇಲೆ ಹಲವು ಬದಲಾವಣೆಗಳು ಆಗಿವೆ. ಅವುಗಳಲ್ಲಿ ಅವ್ಯವಹಾರವನ್ನು ತಪ್ಪಿಸುವುದು ಸಹ ಪ್ರಮುಖವಾದದ್ದು. ಇನ್ನು ಆನ್‌ಲೈನ್‌ನಲ್ಲಿ ಆರ್ಥಿಕ ವಹಿವಾಟುಗಳು ಹೆಚ್ಚಾದ ಬೆನ್ನಲ್ಲೇ ಆನ್‌ಲೈನ್‌ನಲ್ಲಿ ಸುರಕ್ಷಿತವಾದ ಹಣ ವರ್ಗಾವಣೆ ಮಾಡುವುದು ಸಹ ಸವಾಲಿನ ಕೆಲಸವಾಗಿದೆ. ಆದರೆ, ಇದೀಗ ಡಿಜಿಟಲ್‌ ಫ್ಲಾಟ್‌ಪಾರ್ಮ್‌ನಲ್ಲಿ ಹಣ ವರ್ಗಾವಣೆ ಮತ್ತಷ್ಟು ಸುಲಭವಾಗಲಿದೆ. ಇದಕ್ಕಾಗಿ ಆಧಾರ್ ಸಕ್ರಿಯಗೊಳಿಸಿದ ಪಾವತಿ ವ್ಯವಸ್ಥೆಯನ್ನು ಪರಿಚಯಿಸಲಾಗಿದ್ದು, ನಿಮ್ಮ ಆಧಾರ್ ಸಂಖ್ಯೆಯನ್ನು ಬಳಸಿಕೊಂಡು ಹಣ ವರ್ಗಾಯಿಸಬಹುದಾಗಿದೆ. ಬ್ಯಾಂಕ್ ಖಾತೆಗಳ ನಡುವೆ ಸುಲಭ ಮತ್ತು ಸುರಕ್ಷಿತ ಹಣ ವರ್ಗಾವಣೆಗಾಗಿ ಆಧಾರ್ ಎನೇಬಲ್ಡ್ ಪೇಮೆಂಟ್ ಸಿಸ್ಟಮ್ (Aeps) ಆ್ಯಪ್ನ ಮೂಲಕ ಹಣಕಾಸಿನ ವಹಿವಾಟುಗಳನ್ನು ಆಧಾರ್ ಕಾರ್ಡ್ ಸಕ್ರಿಯಗೊಳಿಸುತ್ತದೆ.
ಕನ್ನಡಿಗರಿಗೆ ಸಿಹಿಸುದ್ದಿ: ಇನ್ಮುಂದೆ 11,400 ಕೇಂದ್ರ ಸರ್ಕಾರಿ ಹುದ್ದೆಗಳ ಪರೀಕ್ಷೆಯನ್ನು ಕನ್ನಡದಲ್ಲೇ ಬರೆಯಬಹುದು!
ಆಧಾರ್ ಗುರುತಿನ ಚೀಟಿಯಾಗಿ ಬಳಸುವುದರ ಜೊತೆಗೆ, ಆಧಾರ್ ಸಕ್ರಿಯಗೊಳಿಸಿದ ಪಾವತಿ ವ್ಯವಸ್ಥೆ (Aeps) ಮೂಲಕ ಹಣಕಾಸಿನ ವಹಿವಾಟುಗಳನ್ನು ಸಹ ಇದು ಅನುಮತಿಸುತ್ತದೆ. ವಿಶ್ವಾಸನೀಯ ನ್ಯಾಷನಲ್ ಪೇಮೆಂಟ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಇದನ್ನುಅಭಿವೃದ್ಧಿಪಡಿಸಿದ್ದು, ಬೀಮ್‌ ಆ್ಯಪ್‌ನಷ್ಟೇ ಸುರಕ್ಷಿತವಾಗಿದೆ. ಇನ್ನು Aeps ಕೇವಲ ಆಧಾರ್ ಸಂಖ್ಯೆಯನ್ನು ಬಳಸಿಕೊಂಡು ಹಣ ವರ್ಗಾವಣೆಯನ್ನು ಸಕ್ರಿಯಗೊಳಿಸುತ್ತದೆ. ಅಲ್ಲದೇ ಬ್ಯಾಂಕ್ ಖಾತೆಗಳ ನಡುವೆ ಹಣವನ್ನು ವರ್ಗಾಯಿಸಲು ಸುಲಭ ಮತ್ತು ಸುರಕ್ಷಿತ ಮಾರ್ಗವಾಗಿದೆ.
AePS ಮೂಲಕ ವಹಿವಾಟು ನಡುವುದಷ್ಟೇ ಅಲ್ಲದೇ ATMಗಳನ್ನು ಬಳಸಬಹುದು ಮತ್ತು ಪರಿಶೀಲನೆ ಪ್ರಕ್ರಿಯೆಯನ್ನು ಆಧಾರ್ ಸಂಖ್ಯೆ, ಐರಿಸ್ ಸ್ಕ್ಯಾನ್ ಮತ್ತು ಫಿಂಗರ್‌ಪ್ರಿಂಟ್ ಮೂಲಕ ಮಾಡಲಾಗುತ್ತದೆ. ಈ ವ್ಯವಸ್ಥೆಯನ್ನು ಸುರಕ್ಷಿತ ವಿಧಾನವೆಂದು ಪರಿಗಣಿಸಲಾಗುತ್ತದೆ. ಏಕೆಂದರೆ ಇದರಲ್ಲಿ ನೀವು ವೈಯಕ್ತಿಕ ಬ್ಯಾಂಕ್ ಮಾಹಿತಿಯನ್ನು ಹಂಚಿಕೊಳ್ಳುವ ಅಗತ್ಯವಿಲ್ಲ. ಆದಾಗ್ಯೂ, ಈ ಸೇವೆಯನ್ನು ಬಳಸಲು ಆಧಾರ್ ಕಾರ್ಡ್ ಅನ್ನು ಬ್ಯಾಂಕ್ ಖಾತೆಗೆ ಲಿಂಕ್ ಮಾಡುವುದು ಬಹಳ ಮುಖ್ಯ. ಲಿಂಕ್ ಮಾಡದಿದ್ದರೆ, ಈ ವ್ಯವಸ್ಥೆಯ ಮೂಲಕ ಹಣವನ್ನು ಹಿಂಪಡೆಯಲು ಸಾಧ್ಯವಿಲ್ಲ. ಇದಲ್ಲದೆ, ವಹಿವಾಟುಗಳಿಗೆ OTP ಅಥವಾ ಪಿನ್‌ನ ಅಗತ್ಯವಿಲ್ಲ ಮತ್ತು ಒಂದು ಆಧಾರ್ ಕಾರ್ಡ್ ಅನ್ನು ಬಹು ಬ್ಯಾಂಕ್ ಖಾತೆಗಳಿಗೆ ಲಿಂಕ್ ಮಾಡಬಹುದು.
ರಾಜ್ಯದ ಪ್ರಮುಖ ನದಿ ನೀರು ನೇರ ಬಳಸದಂತೆ ಮಾಲಿನ್ಯ ನಿಯಂತ್ರಣ ಮಂಡಳಿ ಎಚ್ಚರಿಕೆ
AePS ಸಹಾಯದಿಂದ, ನೀವು ಬ್ಯಾಲೆನ್ಸ್ ಅನ್ನು ಹಿಂಪಡೆಯುವುದು, ಬ್ಯಾಲೆನ್ಸ್ ಅನ್ನು ಪರಿಶೀಲಿಸುವುದು, ಹಣವನ್ನು ಠೇವಣಿ ಮಾಡುವುದು, ಆಧಾರ್‌ನಿಂದ ಆಧಾರ್‌ಗೆ ಹಣವನ್ನು ವರ್ಗಾಯಿಸುವುದು ಸೇರಿದಂತೆ ವಿವಿಧ ಆರ್ಥಿಕ ವಹಿವಾಟುಗಳನ್ನು ನೀಡುವ ಮಾಡಬಹುದಾಗಿದೆ. ಈ ವ್ಯವಸ್ಥೆಯು ಮಿನಿ ಬ್ಯಾಂಕ್ ಸ್ಟೇಟ್‌ಮೆಂಟ್, eKYC ಮತ್ತು ಅತ್ಯುತ್ತಮ ಬೆರಳಚ್ಚು ಸೌಲಭ್ಯಗಳನ್ನು ಸಹ ಒದಗಿಸುತ್ತದೆ.
ಲಂಡನ್ ವಿ.ವಿ ಪದವಿ ಪ್ರದಾನ ಸಮಾರಂಭದಲ್ಲಿ ಹಾರಿತು ಕನ್ನಡದ ಬಾವುಟ
ಎಇಪಿಎಸ್‌ ಡೌನ್‌ಲೋಡ್‌ ಮಾಡಿಕೊಳ್ಳುವುದು ಹೇಗೆ, ಅದನ್ನು ಬಳಸುವ ವಿಧಾನ ಏನು ಎನ್ನುವ ಸರಳ ಹಂತಗಳು ಇಲ್ಲಿವೆ.
*AePS ವ್ಯವಸ್ಥೆಯನ್ನು ಬಳಸಲು ಈ ಸರಳ ಹಂತಗಳನ್ನು ಅನುಸರಿಸಿ
* ನಿಮ್ಮ ಪ್ರದೇಶದಲ್ಲಿ ಬ್ಯಾಂಕಿಂಗ್ ಕರೆಸ್ಪಾಂಡೆಂಟ್ ಅನ್ನು ಭೇಟಿ ಮಾಡಿ.
* OPS ಯಂತ್ರದಲ್ಲಿ ನಿಮ್ಮ 12 ಅಂಕಿಗಳ ಆಧಾರ್ ಸಂಖ್ಯೆಯನ್ನು ನಮೂದಿಸಿ.
* ಹಿಂಪಡೆಯುವಿಕೆ, ಠೇವಣಿ, KYC, ಅಥವಾ ಬ್ಯಾಲೆನ್ಸ್ ವಿಚಾರಣೆಯಂತಹ ಅಪೇಕ್ಷಿತ ಸೇವೆಯನ್ನು ಆಯ್ಕೆಮಾಡಿ.
* ಬ್ಯಾಂಕಿನ ಹೆಸರು ಮತ್ತು ಹಿಂಪಡೆಯಬೇಕಾದ ಮೊತ್ತವನ್ನು ನಮೂದಿಸಿ.
* ಬಯೋಮೆಟ್ರಿಕ್ ವಹಿವಾಟನ್ನು ಪರಿಶೀಲಿಸಿ ಮತ್ತು ಹಣವನ್ನು ಹಿಂಪಡೆಯಿರಿ.
ಇವಿಷ್ಟಿ ಎಇಪಿಎಸ್‌ನ ಸರಳ ವಿಧಾನಗಳು ನೀವು ಸಹ ಸುರಕ್ಷಿತ ಬ್ಯಾಂಕಿಂಗ್‌ಗಾಗಿ ಇದನ್ನು ಬಳಸಹುದಾಗಿದೆ. ಇತ್ತೀಚಿನ ದಿನಗಳಲ್ಲಿ ವಿವಿಧ appಗಳಲ್ಲಿ ಜನ ಹಣ ಕಳೆದುಕೊಳ್ಳುತ್ತಿದ್ದಾರೆ. ಅವುಗಳಲ್ಲಿ ಪ್ರಮುಖವಾಗಿ ಒಟಿಪಿ ಸ್ಕ್ಯಾಮ್‌ ಸಹ ಪ್ರಮುಖವಾಗಿದೆ. ಇದೀಗ ಈ app ಬಳಸುವುದರಿಂದ ನಿಮ್ಮ ವಹಿವಾಟಿಗೆ ಒಟಿಪಿಯ ಅವಶ್ಯಕತೆ ಇರುವುದಿಲ್ಲ. ಇದರಿಂದ ಹಣ ಕಳೆದುಕೊಳ್ಳುವ ಆತಂಕವೂ ಕಡಿಮೆ ಆಗಲಿದೆ.