ಹವಾಮಾನ ವೈಪರೀತ್ಯವನ್ನು ಹೆಚ್ಚು ನಿಖರವಾಗಿ ಊಹಿಸಲು 2025 ರ ವೇಳೆಗೆ ಇಡೀ ದೇಶವನ್ನು ಡಾಪ್ಲರ್ ಹವಾಮಾನ ರಾಡಾರ್ ಸಂಪರ್ಕಜಾಲ ಆವರಿಸಲಿದೆ ಎಂದು ಕೇಂದ್ರ ಸಚಿವ ಡಾ ಜಿತೇಂದ್ರ ಸಿಂಗ್ ಹೇಳಿದ್ದಾರೆ.
Weather report : ಜನವರಿ 18 ರಿಂದ ಈ ನಗರಗಳಲ್ಲಿ ಹೆಚ್ಚಲಿದೆ ಚಳಿ
ದೆಹಲಿಯಲ್ಲಿ ಭಾರತೀಯ ಹವಾಮಾನ ಇಲಾಖೆಯ 148ನೇ ಸಂಸ್ಥಾಪನಾ ದಿನದ ಅಂಗವಾಗಿ ಆಯೋಜಸಿದ್ದ ಕಾರ್ಯಕ್ರಮದಲ್ಲಿ ಅವರು ಈ ಮಾಹಿತಿ ತಿಳಿಸಿದ್ದಾರೆ.
2025ರ ವೇಳೆಗೆ 660 ಜಿಲ್ಲಾ ಕೃಷಿ ಹವಾಮಾನ ಘಟಕಗಳನ್ನು ಸ್ಥಾಪಿಸುವ ಗುರಿಯನ್ನು ಭಾರತೀಯ ಹವಾಮಾನ ಇಲಾಖೆ ಹೊಂದಿದೆ ಮತ್ತು 2023ರಲ್ಲಿ 3,100 ಬ್ಲಾಕ್‌ಗಳಿಂದ 2025ರಲ್ಲಿ 7,000 ಬ್ಲಾಕ್‌ಗಳಿಗೆ ಹೆಚ್ಚಿಸುವ ಗುರಿಯನ್ನು ಸಹ ಹೊಂದಲಾಗಿದೆ ಎಂದರು.
ಕಳೆದ ಐದು ವರ್ಷಗಳಲ್ಲಿ ವಿವಿಧ ತೀವ್ರ ಹವಾಮಾನ ಘಟನೆಗಳ ಮುನ್ಸೂಚನೆಗಾಗಿ ಹವಾಮಾನ ಮುನ್ಸೂಚನೆಯ ನಿಖರತೆಯು ಸುಮಾರು 20-40 ಶೇಕಡಾದಷ್ಟು ಹೆಚ್ಚಾಗಿದೆ ಎಂದು ತಿಳಿಸಿದರು
2021 ರಲ್ಲಿ ಫ್ಲ್ಯಾಶ್ ಫ್ಲಡ್ ಮಾರ್ಗಸೂಚಿಯನ್ನು ಜಾರಿಗೊಳಿಸಿದ ನಂತರ, 2022 ರಲ್ಲಿ ಜಲಾನಯನ ಪ್ರದೇಶಗಳ ಸಂಖ್ಯೆ 30,000 ರಿಂದ 1,00,000 ಕ್ಕೆ ಏರಿಕೆಯಾಗಿದೆ.
ನಮ್ಮ ರಾಷ್ಟ್ರೀಯ ಬಳಕೆಯ ಹೊರತಾಗಿ ಇದನ್ನು ನೇಪಾಳ, ಭೂತಾನ್, ಬಾಂಗ್ಲಾದೇಶ ಮತ್ತು ಶ್ರೀಲಂಕಾಕ್ಕೆ ಪ್ರತಿ 6 ಗಂಟೆಗಳಿಗೊಮ್ಮೆ ಒದಗಿಸಲಾಗುತ್ತಿದೆ ಎಂದರು.
ಇದನ್ನೂ ಓದಿರಿ:ಕೃಷಿ ಯಂತ್ರೋಪಕರಣಗಳನ್ನು ಖರೀದಿಸುವ ಮುನ್ನ ಪರಿಗಣಿಸಬೇಕಾದ ಪ್ರಮುಖ ಅಂಶಗಳು
ಕೃಷಿ-ಹವಾಮಾನ ಸೇವೆಗಳ ಅಡಿಯಲ್ಲಿ, 2025 ರ ವೇಳೆಗೆ 660 ಜಿಲ್ಲಾ ಕೃಷಿ ಹವಾಮಾನ ಘಟಕಗಳನ್ನು (DAMU) ಸ್ಥಾಪಿಸುವ ಗುರಿಯನ್ನು ಹೊಂದಲಾಗಿದೆ. ಈ ವರ್ಷ 3,100 ಬ್ಲಾಕ್‌ಗಳಿಂದ 2025 ರಲ್ಲಿ 7,000 ಬ್ಲಾಕ್‌ಗಳಿಗೆ ಹೆಚ್ಚಿಸಲಾಗುವುದು ಎಂದು ಡಾ.ಜಿತೇಂದ್ರ ಸಿಂಗ್ ಮಾಹಿತಿ ನೀಡಿದರು.
ನ್ಯಾಷನಲ್ ಸೆಂಟರ್ ಫಾರ್ ಅಪ್ಲೈಡ್ ಎಕನಾಮಿಕ್ ರಿಸರ್ಚ್‌ನ ಇತ್ತೀಚಿನ ಸಮೀಕ್ಷೆಯಿಂದ ಕಂಡು ಬಂದಂತೆ ಎಚ್ಚರಿಕೆ ಮತ್ತು ಸಲಹಾ ಸೇವೆಗಳು ರೈತರು ಮತ್ತು ಮೀನುಗಾರರಿಗೆ ತಮ್ಮ ಆರ್ಥಿಕತೆಯನ್ನು ಸುಧಾರಿಸಲು ಸಹಾಯ ಮಾಡುತ್ತಿವೆ. ಉದಾಹರಣೆಗೆ, ಮಾನ್ಸೂನ್ ಮಿಷನ್ ಕಾರ್ಯಕ್ರಮದ ಹೂಡಿಕೆಯು ಪ್ರತಿ ಒಂದು ರೂಪಾಯಿಯ ಹೂಡಿಕೆಗೆ 50 ರೂಪಾಯಿಗಳನ್ನು ರೈತರಿಗೆ ನೀಡುತ್ತದೆ ಎಂದು ಸಚಿವರು ವಿವರಿಸಿದರು.
ಜಿಲ್ಲಾ ಮತ್ತು ಬ್ಲಾಕ್ ಮಟ್ಟದಲ್ಲಿ ಕೃಷಿ ಸಲಹೆಗಾರರನ್ನು ಕೋಟ್ಯಂತರ ರೈತರು ಕೃಷಿಯ ವಿವಿಧ ಹಂತಗಳಲ್ಲಿ ಪರಿಣಾಮಕಾರಿಯಾಗಿ ಬಳಸುವುದರಿಂದ ಬಡತನ ರೇಖೆಗಿಂತ ಕೆಳಗಿರುವ ರೈತರು ವಿಶೇಷವಾಗಿ ಹೆಚ್ಚಿನ ಪ್ರಯೋಜನವನ್ನು ಪಡೆದಿದ್ದಾರೆ.
ಕೃಷಿ ಜಾಗರಣ ಕಚೇರಿಯಲ್ಲಿ 'ಸಿರಿಧಾನ್ಯ ವಿಶೇಷ ಆವೃತ್ತಿ' ಅನಾವರಣ: ಕೇಂದ್ರ ಸಚಿವ ಪರಶೋತ್ತಮ್ ರೂಪಾಲಾ ಸೇರಿದಂತೆ ಗಣ್ಯರು ಭಾಗಿ
ಕಳೆದ ವರ್ಷ ಹವಾಮಾನ ಇಲಾಖೆ ಪ್ರಾರಂಭಿಸಿದ ವೆಬ್ ಜಿಐಎಸ್ ಸೇವೆಗಳು ಇತರ ರಾಜ್ಯ ಮತ್ತು ಕೇಂದ್ರ ಏಜೆನ್ಸಿಗಳ ಸಹಯೋಗದೊಂದಿಗೆ ಅಪಾಯ ಮತ್ತು ದುರ್ಬಲತೆಯ ಅಂಶವನ್ನು ಸೇರಿಸುವುದರೊಂದಿಗೆ ಮತ್ತಷ್ಟು ಹೆಚ್ಚಿಸಲಾಗಿದೆ.
ವಿಪತ್ತುಗಳನ್ನು ಮತ್ತಷ್ಟು ತಗ್ಗಿಸಲು ಸಕಾಲಿಕ ಪ್ರತಿಕ್ರಿಯೆ ಕ್ರಮವನ್ನು ಪ್ರಾರಂಭಿಸಲು ಸಾರ್ವಜನಿಕರಿಗೆ, ವಿಪತ್ತು ನಿರ್ವಾಹಕರು ಮತ್ತು ಮಧ್ಯಸ್ಥಗಾರರಿಗೆ ಇದರಿಂದ ಸಹಾಯವಾಗುತ್ತದೆ ಎಂದರು.
ಅಲ್ಪಾವಧಿಯ ಯೋಜನೆ ಮತ್ತು ಕಾರ್ಯತಂತ್ರದ ಅಭಿವೃದ್ಧಿಗೆ ಹವಾಮಾನ ಸೇವೆಗಳು ಬಹಳ ಮುಖ್ಯ. ಹವಾಮಾನ ಇಲಾಖೆ ಈಗಾಗಲೇ ಕೃಷಿ, ಆರೋಗ್ಯ, ನೀರು, ಇಂಧನ ಮತ್ತು ವಿಪತ್ತು ಅಪಾಯ ಕಡಿತದ ಐದು ಪ್ರಮುಖ ಕ್ಷೇತ್ರಗಳಲ್ಲಿ ಈ ಸೇವೆಗಳನ್ನು ಪ್ರಾರಂಭಿಸಿದ್ದು ಉತ್ಪನ್ನಗಳ ಗ್ರಾಹಕೀಕರಣದ ಮೂಲಕ ಅವುಗಳನ್ನು ಮತ್ತಷ್ಟು ವಿಸ್ತರಿಸಲು ಯೋಜನೆಗಳನ್ನು ಸಿದ್ಧಪಡಿಸಿದೆ ಎಂದು ಡಾ ಜಿತೇಂದ್ರ ಸಿಂಗ್ ಹೇಳಿದರು.
ಹವಾಮಾನ ಉತ್ಪನ್ನಗಳು ಮತ್ತು ವಲಯದ ಅನ್ವಯಗಳಿಗೆ ಮಾಹಿತಿಯನ್ನು ಒದಗಿಸಲು ಆದ್ಯತೆಯ ಮೇಲೆ ಶೀಘ್ರದಲ್ಲೇ ರಾಷ್ಟ್ರೀಯ ಚೌಕಟ್ಟನ್ನು ರಚಿಸಲಾಗುವುದು ಎಂದು ಅವರು ಹೇಳಿದರು.