ರೈತರು ಬೆಳೆದ ಬೆಳೆಗಳಿಗೆ ಅತಿಯಾದ ಕೀಟ ಬಾಧೆಯಿಂದ ತೊಂದರೆಯಾಗುತ್ತಿದೆ. ಆ ಕಾರಣದಿಂದ ಕೀಟಬಾಧೆಯಿಂದ ಬೆಳೆಗಳು ಹಾಳಾಗುತ್ತಿವೆ. ಇದರಿಂದ ಬೇಸತ್ತು 20 ರೈತರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ತೆಲಂಗಾಣದ ಮಹಬೂಬಾಬಾದ್‌ ಜಿಲ್ಲೆಯಲ್ಲಿ 2022 ರ ಜನವರಿಯಿಂದ ಇಲ್ಲಿಯವರೆಗೆ 20 ರೈತರು ಆತ್ಮಹತ್ಯೆಗೆ ಶರಣಾಗಿದ್ದಾರೆ.
ಕಷ್ಟಪಟ್ಟು ಬೆಳೆದ ಬೆಳೆ ಇನ್ನೇನು ಕೈಗೆ ಬರುವ ಸಮಯದಲ್ಲಿ ಕೀಟಗಳು ದಾಳಿ ಮಾಡಿ ನಾಶಪಡಿಸಿಬಿಡುತ್ತಿವೆ. ಖರ್ಚು ಮಾಡಿ ಬೆಳೆದ ಬೆಳೆಗಳು ಕೈಗೆ ಬರದ ಹಿನ್ನೆಲೆಯಲ್ಲಿ ಸಾಲದ ಹೊರೆ ಹೆಚ್ಚಾಗುವ ಕಾರಣ ಮನನೊಂದ ರೈತರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಮಾನವ ಹಕ್ಕುಗಳ ವೇದಿಕೆ (Human Rights Fedaration) ಮತ್ತು ರೈತ ಸ್ವರಾಜ್ಯ ವೇದಿಕೆ (RSV) ದ ಭೂ ಸಮೀಕ್ಷೆ ಹೇಳಿದೆ. ಖಮ್ಮಂ ಜಿಲ್ಲೆಯಲ್ಲಿಯೂ ಐದು ಆತ್ಮಹತ್ಯೆ ಪ್ರಕರಣಗಳು ವರದಿಯಾಗಿವೆ.
ಇನ್ನಷ್ಟು ಓದಿರಿ:
GEM 1 ಲಕ್ಷ ಕೋಟಿ ವಹಿವಾಟು ಪ್ರಧಾನಿ ಮೋದಿ ಮೆಚ್ಚುಗೆ!
ಕರ್ನಾಟಕ, ತಮಿಳುನಾಡಿಗೂ ಹಬ್ಬಿದ ರೋಗ!
ತೇಲಂಗಾಣ, ಆಂಧ್ರಪ್ರದೇಶದ ಬೆನ್ನಲ್ಲೇ ಇದು ಈಗ ಕರ್ನಾಟಕ, ತಮಿಳುನಾಡು ಮತ್ತು ಮಹಾರಾಷ್ಟ್ರಕ್ಕೂ ಹರಡಿದೆ ಎಂದು ತೆಲಂಗಾಣದ ತೋಟಗಾರಿಕೆ ಇಲಾಖೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಇಂಡೋನೇಷ್ಯಾದಿಂದ ಆಕ್ರಮಣಕಾರಿ ಕೀಟವಾದ ಥ್ರೈಪ್ಸ್ ಪರ್ವಿಸ್ಪಿನಸ್ , ವಿಶೇಷವಾಗಿ ತೆಲಂಗಾಣ ಮತ್ತು ಆಂಧ್ರಪ್ರದೇಶದ ಎರಡು ರಾಜ್ಯಗಳಲ್ಲಿ ವೇಗವಾಗಿ ಹರಡಿತು. ತೆಲಂಗಾಣದಲ್ಲಿ ಒಟ್ಟು ಅರ್ಧದಷ್ಟು ಕೆಂಪು ಮೆಣಸಿನಕಾಯಿ ಬೆಳೆ ಹಾನಿಯಾಗಿದೆ ಎಂದು ರಾಜ್ಯ ಸರ್ಕಾರದ ಅಧಿಕಾರಿಗಳು ತಿಳಿಸಿದ್ದಾರೆ.
ಇದನ್ನು ಓದಿರಿ:
PM ಕಿಸಾನ್ ಸಮ್ಮಾನ್ ನಿಧಿ ಯೋಜನೆ; 4350 ಕೋಟಿ ವಾಪಸ್ ಪಡೆಯಲು ನಿರ್ಧಾರ!
HRF ಮತ್ತು RSV ಪ್ರಕಾರ, ಕೀಟಗಳ ದಾಳಿಯು ನೂರಾರು ರೈತರು, ವಿಶೇಷವಾಗಿ ಹಿಡುವಳಿದಾರ ರೈತರ ಮೇಲೆ ಪರಿಣಾಮ ಬೀರಿತು.
ತೆಲಂಗಾಣದ ಮಾನವ ಹಕ್ಕುಗಳ ವೇದಿಕೆಯ ಅಧ್ಯಕ್ಷ ಮಾಧವ ರಾವ್ ಗೊರೆಪಟ್ಟಿ ಡೌನ್ ಟು ಅರ್ಥ್‌ಗೆ ಮಾತನಾಡಿ , ರೈತರು 6-12 ಲಕ್ಷ ರೂ.ವರೆಗಿನ ಸಾಲದ ಕಾರಣದಿಂದ ಎರಡು ತಿಂಗಳ ಅವಧಿಯಲ್ಲಿ ಮಹಬೂಬಾಬಾದ್‌ನಲ್ಲಿ 20 ಆತ್ಮಹತ್ಯೆಗಳು ಸಂಭವಿಸಿವೆ.
ಉಭಯ ರಾಜ್ಯಗಳಲ್ಲಿ ಮೆಣಸಿನಕಾಯಿ ಬೆಳೆಗೆ ಸುಮಾರು 40-80 ಪ್ರತಿಶತದಷ್ಟು ಹಾನಿ ಕೀಟಗಳ ಆಕ್ರಮಣದ ಪರಿಣಾಮವಾಗಿದೆ ಎಂದು ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವ ನರೇಂದ್ರ ಸಿಂಗ್ ತೋಮರ್ ಫೆಬ್ರವರಿ 4, 2022 ರಂದು ಸಂಸತ್ತಿಗೆ ತಿಳಿಸಿದರು.
ಇನ್ನಷ್ಟು ಓದಿರಿ:
Breaking News ಮತ್ತೊಂದು Bank ಮುಚ್ಚಲು RBI ನಿರ್ಧಾರ!
ಮೆಣಸಿನಕಾಯಿ ರೈತರು ಒಂದು ಹೆಕ್ಟೇರ್ ಪ್ರದೇಶದಲ್ಲಿ ಸರಾಸರಿ 50 ಕ್ವಿಂಟಾಲ್ ಇಳುವರಿ ಪಡೆಯುತ್ತಾರೆ. ಕೀಟಗಳ ದಾಳಿಯ ನಂತರ ಅವರು ಈ ಪ್ರಮಾಣದಲ್ಲಿ ಅರ್ಧಕ್ಕಿಂತ ಕಡಿಮೆ ಪಡೆದರು. ಅನೇಕ ಸಂದರ್ಭಗಳಲ್ಲಿ ಒಂದು ಹೆಕ್ಟೇರ್‌ನಲ್ಲಿ ಪ್ರಮಾಣವು ಕೇವಲ ಐದು ಕ್ವಿಂಟಾಲ್‌ಗಳಷ್ಟಿತ್ತು.
ಆಲಿಕಲ್ಲು ಮಳೆಯು ಈಗಾಗಲೇ ಕೀಟಗಳ ದಾಳಿಯಿಂದ ಉಂಟಾದ ನಷ್ಟವನ್ನು ಹೆಚ್ಚಿಸಿದೆ, ಇದು ರಾಜ್ಯದಲ್ಲಿ ಸುಮಾರು 8,100 ಹೆಕ್ಟೇರ್ ಪ್ರದೇಶದಲ್ಲಿ ಪರಿಣಾಮ ಬೀರಿದೆ ಎಂದು ಸರ್ಕಾರಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಆದರೆ, ಬೆಳೆ ಕಳೆದುಕೊಂಡ ರೈತರಿಗೆ ಪರಿಹಾರ ನೀಡುವ ಕುರಿತು ಯಾವುದೇ ಘೋಷಣೆ ಮಾಡಿಲ್ಲ. ತೆಲಂಗಾಣ ತನ್ನದೇ ಆದ ಯಾವುದೇ ಬೆಳೆ ವಿಮಾ ಯೋಜನೆಯನ್ನು ಹೊಂದಿಲ್ಲ. ಇದು ಈಗಾಗಲೇ ಕೇಂದ್ರ ಸರ್ಕಾರದ ಪ್ರಧಾನ ಮಂತ್ರಿ ಬಿಮಾ ಫಸಲ್ ಯೋಜನೆಯಿಂದ (PMFBY) ಹೊರಗುಳಿದಿದೆ.
ಮೆಣಸಿನಕಾಯಿ ಹೆಚ್ಚಿನ ಬಂಡವಾಳದ ಬೆಳೆಯಾಗಿದ್ದು, ರೈತರು ಎಕರೆಗೆ ಸುಮಾರು 80,000-100,000 ವಿನಿಯೋಗವಾಗಿತ್ತು ಎಂದು ತಿಳಿಸಿದ್ದಾರೆ.
ಮತ್ತಷ್ಟು ಓದಿರಿ: