ದಿ. ಎಲಿಫೆಂಟ್ ವಿಸ್ಪರರ್ಸ್ ಆಸ್ಕರ್- ವಿಜೇತ ಆನೆ ಸಾಕ್ಷ್ಯಚಿತ್ರದಿಂದ ಭಾರತವು ವಿಶ್ವ ಮಟ್ಟದಲ್ಲಿ ಸುದ್ದಿಯಾಗಿತ್ತು.
ಆನೆಯನ್ನು ಆರೈಕೆ ಮಾಡಿದ ದಂಪತಿ ವಿಶ್ವ ಪ್ರಸಿದ್ಧರಾಗಿದ್ದರು. ಇದೀಗ ಸಂಕಷ್ಟವೊಂದು ಎದುರಾಗಿದೆ.
ಆನೆಯನ್ನು ಆರೈಕೆ ಮಾಡಿದ್ದ ಇಬ್ಬರು ದಂಪತಿಗಳು ಸಾಕ್ಷ್ಯಚಿತ್ರದ ನಂತರ ತಮ್ಮನ್ನು ತಪ್ಪಾಗಿ ನಡೆಸಿಕೊಂಡಿರುವುದಾಗಿ ನಿರ್ಮಾಪಕರ
ವಿರುದ್ಧ ಆರೋಪ ಮಾಡಿದ್ದಾರೆ. ಅಷ್ಟೇ ಅಲ್ಲದೇ ಈ ಸಂಬಂಧ ದೂರು ಸಹ ದಾಖಲಾಗಿರುವುದು ವರದಿ ಆಗಿದೆ.
ಆನೆ ಆರೈಕೆ ಮಾಡಿದ ದಂಪತಿಗಳು ಇದೀಗ ಸಾಕ್ಷ್ಯಚಿತ್ರ ನಿರ್ಮಿಸಿದ ನಿರ್ಮಾಪಕರ ಮೇಲೆ ದೌರ್ಜನ್ಯವನ್ನು ಆರೋಪಿಸಿ ಮೊಕದ್ದಮೆ ಹೂಡಿದ್ದಾರೆ.
ಏನಿದು ಸಾಕ್ಷ್ಯಚಿತ್ರ ?
ದಕ್ಷಿಣ ಭಾರತದ ತಮಿಳುನಾಡಿನಲ್ಲಿ ಎಲಿಫೆಂಟ್ ವಿಸ್ಪರರ್ಸ್ ಎನ್ನುವ ಸಾಕ್ಷ್ಯಚಿತ್ರವನ್ನು ನಿರ್ಮಿಸಲಾಗಿತ್ತು.
ಮುದ್ದಾದ ಆನೆ ಮರಿಯೊಂದು ಆರೈಕೆ ಶಿಬಿರದಲ್ಲಿನ ದಂಪತಿಗಳಿಂದ ಆರೈಕೆಗೆ ಒಳಪಟ್ಟಿದ್ದ ಸಾಕ್ಷ್ಯಚಿತ್ರವದು.
ಎಲಿಫೆಂಟ್ ವಿಸ್ಪರರ್ಸ್ ಎನ್ನುವ ಸಾಕ್ಷ್ಯಚಿತ್ರದ ಮೂಲಕ ಬೊಮ್ಮನ್ ಕಥೆಯನ್ನು ಚಿತ್ರೀಕರಿಸಲಾಗಿದೆ.
ಕರ್ನಾಟಕದ ನೆರೆಯ ತಮಿಳುನಾಡಿನ ಮುದುಮುಲೈ ಹುಲಿ ಸಂರಕ್ಷಿತ ಪ್ರದೇಶದೊಳಗೆ ತಾಯಿಯಿಂದ ದೂರವಾಗಿ
ತಬ್ಬಲಿಯಾಗಿ, ಗಾಯಗೊಂಡ ಪುಟ್ಟ ಮುದ್ದಾದ ಆನೆ ಮರಿಯನ್ನು ಸಲುಹಿದ್ದರು.
ನೆಟ್‌ಫ್ಲಿಕ್ಸ್ ಚಲನಚಿತ್ರವು ಈ ವರ್ಷದ ಆರಂಭದಲ್ಲಿ ಅತ್ಯುತ್ತಮ ಸಾಕ್ಷ್ಯಚಿತ್ರ ಕಿರುಚಿತ್ರ ವಿಭಾಗದಲ್ಲಿ
ಗೆದ್ದ ಮೊದಲ ಭಾರತೀಯ ನಿರ್ಮಾಣದ ಮೂಲಕ ಆಸ್ಕರ್‌ನಲ್ಲಿ ಇತಿಹಾಸವನ್ನು ಸೃಷ್ಟಿಸಿತ್ತು.
ಈ ಆನೆಯನ್ನು ಆರೈಕೆ ಮಾಡಿದ್ದ ಬೊಮ್ಮನ್ ಮತ್ತು ಬೆಲ್ಲಿ ಅವರು ಚಿತ್ರದಲ್ಲಿ ನಿರ್ಮಿಸಿದ್ದರು.
ಈ ಸಾಕ್ಷ್ಯಚಿತ್ರದ ಯಶಸ್ಸಿನ ನಂತರ ತಮಿಳುನಾಡಿನ ಮುಖ್ಯಮಂತ್ರಿ MK ಸ್ಟಾಲಿನ್ ಅವರನ್ನು ಸನ್ಮಾನಿಸಿದ್ದರು.
ಅಲ್ಲದೇ ತಲಾ ಒಂದು ಲಕ್ಷ ರೂಪಾಯಿಯನ್ನು ಸಹ ನೀಡಿದ್ದರು.
ಈಚೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಸಹ ಆನೆ ಶಿಬಿರಕ್ಕೆ ಭೇಟಿ ನೀಡಿದ್ದರು.
ಇದೀಗ ಚಿತ್ರದ ನಿರ್ದೇಶಕರಾದ ಕಾರ್ತಿಕಿ ಗೊನ್ಸಾಲ್ವೆಸ್ ಮತ್ತು ಸಿಖ್ಯಾ ಎಂಟರ್‌ಟೈನ್‌ಮೆಂಟ್ - ಪ್ರಶಸ್ತಿ ವಿಜೇತ
ನಿರ್ಮಾಪಕ ಗುನೀತ್ ಮೊಂಗಾ ಅವರು ನಡೆಸುತ್ತಿರುವ ನಿರ್ಮಾಣ ಸಂಸ್ಥೆ ವಿರುದ್ಧ ಸೂಕ್ತ ಪರಿಹಾರ ನೀಡಿಲ್ಲ ಎಂದು ಆರೋಪಿಸಿ ಮೊಕದ್ದಮೆ ದಾಖಲಿಸಿದ್ದಾರೆ.
ಸಂಭಾವನೆಯಲ್ಲಿ ತಾರತಮ್ಯವಾಗಿದೆ. ಅವರು 20 ಮಿಲಿಯನ್‌ ರೂಪಾಯಿ ನೀಡುವ ಬಗ್ಗೆ ಮಾತುಕತೆ ನಡೆದಿತ್ತು ಎನ್ನಲಾಗಿದೆ.
ಈ ಹಣವು ಅವರ ವಸತಿ ಮತ್ತು ವೃದ್ಧಾಪ್ಯದಲ್ಲಿ ಅವರ ಅಗತ್ಯತೆಗೆ ಅವಶ್ಯವಾಗಿತ್ತು ಎಂದು ಅವರು ವಾದಿಸಿದ್ದಾರೆ.
ಈ ಆರೋಪವನ್ನು ಚಿತ್ರ ನಿರ್ಮಾಪಕರು ನಿರಾಕರಿಸಿದ್ದಾರೆ.
ನಿರ್ದೇಶಕ ಮತ್ತು ನಿರ್ಮಾಪಕರು ಕಥೆಯ ಎಲ್ಲಾ ಕೊಡುಗೆದಾರರ ಬಗ್ಗೆ ಅಪಾರವಾದ ಗೌರವ ಇರಿಸಿಕೊಂಡಿರುವುದಾಗಿ ಹೇಳಿದ್ದಾರೆ.
ಈ ಸಂಬಂಧ ಮಾತನಾಡಿರುವ ಗೊನ್ಸಾಲ್ವಿಸ್ ಅವರು ಬೊಮ್ಮನ್-ಬೆಲ್ಲಿ ಮಾಡಿದ ಎಲ್ಲಾ ಆರೋಪಗಳು ಸುಳ್ಳು,
ಅವರ ಆರೋಪಗಳಲ್ಲಿ ಯಾವುದೇ ಸತ್ಯವಿಲ್ಲ ಎಂದು ಹೇಳಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ನೀಲಗಿರಿ ಪರ್ವತಗಳ ಬೆರಗುಗೊಳಿಸುವ ದೃಶ್ಯಗಳಲ್ಲಿ ಚಿತ್ರೀಕರಿಸಲಾದ ಎಲಿಫೆಂಟ್ ವಿಸ್ಪರರ್ಸ್
ಬೊಮ್ಮನ್ ಮತ್ತು ಬೆಲ್ಲಿಯನ್ನು ಹಿಂಬಾಲಿಸುವಾಗ ಅವರು ತಮ್ಮ
ಹಿಂಡಿನಿಂದ ಬೇರ್ಪಟ್ಟ ಗಾಯಾಳು ಮರಿ ಆನೆ ರಘುವನ್ನು ನೋಡಿಕೊಳ್ಳುತ್ತಾರೆ.
ದಂಪತಿಗಳು ಕಟ್ಟುನಾಯಕನ್ ಸಮುದಾಯಕ್ಕೆ ಸೇರಿದವರು,
ತಲೆಮಾರುಗಳಿಂದ ಅರಣ್ಯವನ್ನು ರಕ್ಷಿಸುತ್ತಿರುವ ಬುಡಕಟ್ಟು ಜನಾಂಗ.
ವನ್ಯಜೀವಿ ಸಂರಕ್ಷಣೆಯಲ್ಲಿನ ಅವರ ಪ್ರಯತ್ನಗಳನ್ನು ಎತ್ತಿ ತೋರಿಸಿದ್ದಕ್ಕಾಗಿ ಚಲನಚಿತ್ರವು ಪ್ರಶಂಸಿಸಲ್ಪಟ್ಟಿದೆ.
Photo Courtesy:@narendramodi