ಪಶು ಕಿಸಾನ್ ಕ್ರೆಡಿಟ್ ಕಾರ್ಡ್ ಹೇಗೆ ಕೆಲಸ ಮಾಡುತ್ತದೆ ? ಇಲ್ಲಿದೆ ಮಾಹಿತಿ...

ಪಶು ಸಂಗೋಪನೆ ಉದ್ಯಮವನ್ನು ದೇಶಾದ್ಯಂತ ವಿಸ್ತರಿಸಲು ಸರ್ಕಾರವು ರೈತರಿಗೆ 'ಪಶು ಕಿಸಾನ್ ಕ್ರೆಡಿಟ್ ಕಾರ್ಡ್' ಅನ್ನು ಆರಂಭಿಸಿದೆ. ಪಶು ಕಿಸಾನ್ ಕ್ರೆಡಿಟ್ ಕಾರ್ಡ್ ಮೂಲಕ ಒಬ್ಬ ರೈತ ಹಸು, ಎಮ್ಮೆ, ಮೇಕೆ, ಕುರಿ, ಹಂದಿ, ಮತ್ತು  ಕೋಳಿಗಳನ್ನು ಖರೀದಿಸಲು ಸಾಲ ಪಡೆಯಬಹುದು.

ಭಾರತವು ಕೃಷಿ ಮತ್ತು ಜಾನುವಾರು ಕೃಷಿಗೆ ಜಗತ್ತಿನಾದ್ಯಂತ ಹೆಸರುವಾಸಿಯಾಗಿದೆ. ವಿಶಾಲ ಪ್ರದೇಶ ಮತ್ತು ಜನಸಂಖ್ಯೆ ಹೊಂದಿರುವ ಈ ದೇಶದಲ್ಲಿ ಕೃಷಿಯನ್ನು ಲಾಭದಾಯಕ ಉದ್ಯಮವನ್ನಾಗಿ ಮಾಡಲು ಇಂದು ವಿವಿಧ ರೀತಿಯಲ್ಲಿ ಸರ್ಕಾರ ಹೊಸ ಹೊಸ ಯೋಜನೆಗಳನ್ನು ಘೋಷಿಸುತ್ತಲೇ ಬರುತ್ತಿದೆ.

ಈಗ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಸಹ ಕೃಷಿಗೆ ಹೆಚ್ಚು ಒತ್ತು ಕೊಡುತ್ತಿವೆ. ಪಶುಪಾಲನೆ ಮಾಡಿ ಆರ್ಥಿಕಮಟ್ಟ ಸುಧಾರಿಸಿಕೊಳ್ಳಲು ಹರಿಯಾಣ ರಾಜ್ಯದಂತೆ ಕರ್ನಾಟಕ ರಾಜ್ಯದಲ್ಲಿಯೂ ಸಹ ಪಶು ಕಿಸಾನ್ ಕ್ರೆಡಿಟ್ ಕಾರ್ಡ್ ತರಲು ಮುಂದಾಗಿದೆ. ಈ ಕಾರ್ಡ್ ನಿಂದಾಗಿ ರೈತರು  ಯಾವುದೇ  ಗ್ಯಾರೆಂಟಿಯಿಲ್ಲದೆ ಪಶುಪಾಲನೆ ಮಾಡಲು ಸಾಲ ಪಡೆಯಬಹುದು.

ಯಾವುದೇ ಖಾತರಿ ಇಲ್ಲದೆ 1.60 ಲಕ್ಷ ರೂ.ಗಳವರೆಗೆ ಸಬ್ಸಿಡಿ ಮತ್ತು ಸಾಲ ನೀಡಲಾಗುತ್ತಿದೆ. ಈ ಯೋಜನೆಯಡಿ ಪ್ರಾಣಿಗಳ ಸಂಖ್ಯೆಗೆ ಅನುಗುಣವಾಗಿ ರೈತರಿಗೆ ಪಶು ಕಿಸಾನ್ ಕ್ರೆಡಿಟ್ ಕಾರ್ಡ್‌ಗಳನ್ನು ನೀಡಲಾಗುತ್ತಿದೆ. ಈ ಯೋಜನೆಯಡಿ ಸಾಲ ತೆಗೆದುಕೊಳ್ಳುವುದು ತುಂಬಾ ಸುಲಭವಾಗಿದೆ. ಈಗಾಗಲೇ ಹರಿಯಾಣ ರಾಜ್ಯದಲ್ಲಿ ಈ ಯೋಜನೆಯಡಿ ಸಾಲಸೌಲಭ್ಯ ನೀಡಲಾಗುತ್ತದೆ.

ಯಾವ ಪ್ರಾಣಿಗೆ ಎಷ್ಟು ರೂಪಾಯಿ ಸಾಲ:

ಹಸುಗಳಿಗೆ 40,783 ರೂ., ಎಮ್ಮೆಗೆ 60,249 ರೂ, ಕುರಿ ಮತ್ತು ಮೇಕೆಗೆ 4063 ರೂ, ಹಂದಿಗಳಿಗೆ 16,337 ರೂಪಾಯಿ, ಕೋಳಿಗೆ 720 ರುಪಾಯಿ ಪಡೆಯಬಹುದು. ಈ ಯೋಜನೆಯಲ್ಲಿ ಪಡೆಯಬಹುದು. ಹೀಗೆ ಈ ಯೋಜನೆಯಲ್ಲಿ ಎಮ್ಮೆ, ಹಸು, ಮೇಕೆ ಇತ್ಯಾದಿಗಳನ್ನು ಖರೀದಿಸಲು ಪ್ರತ್ಯೇಕ ಸಾಲ ನೀಡಲಾಗುತ್ತದೆ. ಈ ಎಲ್ಲಾ ರೈತರು ಪಶು ಕಿಸಾನ್ ಕ್ರೆಡಿಟ್ ಕಾರ್ಡ್ ತೆಗೆದುಕೊಳ್ಳಬಹುದು.

ದಿನಕ್ಕೆ ಒಂದು ಸಾವಿರಕ್ಕೂ ಹೆಚ್ಚು ನಿವ್ವಳ ಲಾಭ:

ಹೈನುಗಾರಿಕೆ ಕೇವಲ ಹಳ್ಳಿಗೆ ಮಾತ್ರ ಸೀಮಿತವಲ್ಲ, ನಗರಗಳಲ್ಲಿಯೂ  ಹಸುಗಳನ್ನು ಸಾಕಬಹುದು, ಹಾಲಿನ ಉತ್ಪನ್ನಗಳನ್ನು ಉತ್ಪಾದಿಸಬಹುದು. ಹಸುವಿನ ಹಾಲನ್ನು ನೋಡಿದಾಗ ಸಾಮಾನ್ಯವಾಗಿ 30 ರಿಂದ 35 ರೂಪಾಯಿಗೆ ಲೀಟರ್ ಹಾಲು ಸಿಗುತ್ತದೆ, ಹಾಲಿನ ಬೆಲೆ ಪ್ರತಿ ಲೀಟರ್ ಗೆ 40 ರೂ.ಇದ್ದರೆ, ನೀವು ದಿನಕ್ಕೆ ಸುಮಾರು 1200 ರೂಪಾಯಿ ಗಳನ್ನು ಪಡೆಯಬಹುದು ಅಥವಾ 5 ಹಸುವಿನ ಹಾಲಿನಿಂದ 6000 ರೂ. ನಿಮ್ಮ ಮೇವಿನ ವೆಚ್ಚವನ್ನು ತೆಗೆದುಹಾಕಿ  ಕನಿಷ್ಠ 5 ಜಾನುವಾರುಗಳಿಗೆ ದಿನಕ್ಕೆ 2000 ರೂ.ವರೆಗೆ ಸಂಪಾದಿಸಬಹುದು.

1.60 ಲಕ್ಷ ರೂಪಾಯಿವರೆಗೆ ಸುಲಭ ಸಾಲ:

ಎಲ್ಲಾ ಬ್ಯಾಂಕ್ ಗಳು ಪಶು ಕಿಸಾನ್ ಕ್ರೆಡಿಟ್ ಕಾರ್ಡ್ ದಾರರಿಗೆ ವಾರ್ಷಿಕ ಶೇ.7ರ ಸರಳ ಬಡ್ಡಿ ದರದಲ್ಲಿ ಸಾಲ ನೀಡಲಿದೆ. ಈ ಶೇ.7ರ ಬಡ್ಡಿ ದರವನ್ನು ಸಕಾಲಕ್ಕೆ ಪಾವತಿಸಿದರೆ, 3 ಲಕ್ಷ ರೂ.ವರೆಗಿನ ಸಾಲದ ಮೊತ್ತಕ್ಕೆ ಕೇಂದ್ರ ಸರ್ಕಾರ ಶೇ.3ರ ಬಡ್ಡಿ ದರದಲ್ಲಿ ಸಹಾಯಧನ ನೀಡುತ್ತದೆ.  1.60 ಲಕ್ಷ ರೂ.ವರೆಗೆ ಸಾಲ ತೆಗೆದುಕೊಳ್ಳಲು ಯಾವುದೇ ಗ್ಯಾರಂಟಿ ಇರುವುದಿಲ್ಲ.

ಪಶು ಕಿಸಾನ್ ಕ್ರೆಡಿಟ್ ಕಾರ್ಡ್‌ ಪಡೆಯುವುದು ಹೇಗೆ?

ಈ ಪಶು ಕಿಸಾನ್ ಕಾರ್ಡ್‌ನ ಲಾಭವನ್ನು ನೀವು ಪಡೆಯಲು ಬಯಸಿದರೆ ಹತ್ತಿದ ಬ್ಯಾಂಕ್‌ಗೆ ಹೋಗಬೇಕು.. ಇದರ ನಂತರ, ಕೆವೈಸಿ ಸಲ್ಲಿಸಿ. ಆನಂತರ, ಫಾರ್ಮ್ ಅನ್ನು ಭರ್ತಿ ಮಾಡಿ ಮತ್ತು ಅಗತ್ಯ ದಾಖಲೆಗಳನ್ನು ಲಗತ್ತಿಸಬೇಕು. ಅರ್ಜಿ ನಮೂನೆಗಳ ಪರಿಶೀಲನೆಯ ನಂತರ, ನಿಮಗೆ ಪಶು ಕಿಸಾನ್ ಕ್ರೆಡಿಟ್ ಕಾರ್ಡ್ ನೀಡಲಾಗುತ್ತದೆ.

ಡೆಬಿಟ್ ಎಟಿಎಂ ಕಾರ್ಡ್ ನಂತೆ ಹಣ ಪಡೆಯಬಹುದು:

ಮಾರುಕಟ್ಟೆಯಲ್ಲಿ ಚಾಲ್ತಿಯಲ್ಲಿರುವ ಇತರ ಸಾಮಾನ್ಯ ಡೆಬಿಟ್ ಕಾರ್ಡ್ ಗಳಂತೆ, ಪಶು ಕಿಸಾನ್ ಕ್ರೆಡಿಟ್ ಕಾರ್ಡ್ ಯಾವುದೇ ಎಟಿಎಂ ಯಂತ್ರದಿಂದ ಹಣ ಪಡೆಯಬಹುದು. ಒಂದು ತಿಂಗಳಲ್ಲಿ 6797 ಮಿತಿ ಇದ್ದರೆ ಕೇವಲ 6797 ರೂಪಾಯಿಗಳನ್ನು ಮಾತ್ರ ಹಿಂತೆಗೆದುಕೊಳ್ಳಬಹುದು.

ಹರಿಯಾಣದಲ್ಲಿ 57,000 ರೈತರಿಗೆ ಸಾಲ:

ಹರಿಯಾಣದಲ್ಲೂ, ಅನಿಮಲ್ ಫಾರ್ಮರ್ಸ್ ಕ್ರೆಡಿಟ್ ಕಾರ್ಡ್ ಯೋಜನೆಯಡಿ ಲಕ್ಷಾಂತರ ಜನರು ಅರ್ಜಿ ಸಲ್ಲಿಸಿದ್ದರು. ಅದರಲ್ಲಿ 57,106 ಈ ಜನರಿಗೆ ಬ್ಯಾಂಕಿನಿಂದ ಕ್ರೆಡಿಟ್ ಕಾರ್ಡ್ ಸಿಕ್ಕಿದೆ. ರಾಜ್ಯದಲ್ಲಿ ಕ್ರೆಡಿಟ್ ಕಾರ್ಡ್‌ಗಳನ್ನು ನೀಡಲು ಬ್ಯಾಂಕುಗಳು ಶಿಬಿರಗಳನ್ನು ಸ್ಥಾಪಿಸಿದ್ದವು. ಈ ಶಿಬಿರಗಳ ಮೂಲಕ ಬ್ಯಾಂಕುಗಳ ಉದ್ದೇಶವು ಪ್ರಾಣಿಗಳ ಕ್ರೆಡಿಟ್ ಕಾರ್ಡ್‌ಗಳನ್ನು ಪಡೆಯಲು ಜನರಿಗೆ ಸಹಾಯ ಮಾಡುವುದು. ಹರಿಯಾಣವನ್ನು ಹೊರತುಪಡಿಸಿ, ಇತರ ರಾಜ್ಯಗಳ ರೈತರು ಸಹ ಈ ಯೋಜನೆಯನ್ನು ಪಡೆಯಬಹುದು.