ಬಂಗಾಳಕೊಲ್ಲಿಯಲ್ಲಿ ಮೇ 8ರಂದು ಮೋಚಾ ಚಂಡಮಾರುತ ಅಪ್ಪಳಿಸಲಿದ್ದು, ಕರ್ನಾಟಕ ಸೇರಿದಂತೆ (South India) ದಕ್ಷಿಣ ಭಾರತದ ರಾಜ್ಯಗಳಲ್ಲಿ ಭಾರೀ ಮಳೆ (HeavyRain) ಆಗುವ ಸಾಧ್ಯತೆ ಇದೆ ಎಂದು ಭಾರತೀಯ ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.
ಮೇ-10ರ ವೇಳೆಗೆ ಬಂಗಾಳಕೊಲ್ಲಿಯಲ್ಲಿ ವರ್ಷದ ಮೊದಲ ಚಂಡಮಾರುತ ರೂಪುಗೊಳ್ಳುವ (Mocha Cyclone ) ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಎಚ್ಚರಿಸಿದೆ.
ಈ ಚಂಡಮಾರುತಕ್ಕೆ ಮೋಚಾ (Mocha Cyclone)ಎಂದು ಹೆಸರಿಡಲಾಗಿದೆ.
ಇನ್ನು ಭಾರತದ ಆಗ್ನೇಯ ಪ್ರದೇಶ ಸಮುದ್ರ ಭಾಗದಲ್ಲಿ ಕಡಿಮೆ ಒತ್ತಡದ ಪ್ರದೇಶ ರಚನೆಯಾಗಿದ್ದು, ಮೇ 7 ರಂದು ಇದೇ ಪ್ರದೇಶದಲ್ಲಿ ಕಡಿಮೆ ಒತ್ತಡ
ಸೃಷ್ಟಿಯಾಗಿ ಕಳೆದ ವಾರದಿಂದ ಚಂಡಮಾರುತದ ಪರಿಸ್ಥಿತಿ ಎದುರಾಗುತ್ತಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (IMD) ಹೇಳಿದೆ.
ಮೇ 6 ರಂದು ಬಂಗಾಳಕೊಲ್ಲಿ, ನಂತರ ಮೇ 8 ರಂದು ಆಗ್ನೇಯಕ್ಕೆ ಚಲಿಸಲಿದೆ. ಇದು ಬಂಗಾಳ ಕೊಲ್ಲಿಯಲ್ಲಿ ವಾಯುಭಾರ ಕುಸಿತವಾಗಿ ಬಲಗೊಳ್ಳುವ ನಿರೀಕ್ಷೆಯಿದೆ
ಮತ್ತು ಉತ್ತರದ ಕಡೆಗೆ ಚಲಿಸುತ್ತದೆ ಮತ್ತು ಮಧ್ಯ ಬಂಗಾಳ ಕೊಲ್ಲಿಯ ಮೇಲೆ ಚಂಡಮಾರುತವಾಗಿ ತೀವ್ರಗೊಳ್ಳಲಿದೆ.
ಇನ್ನು ಮೇ 7 ರಿಂದ ಸಮುದ್ರವು ಪ್ರಕ್ಷುಬ್ಧವಾಗುವ ನಿರೀಕ್ಷೆಯಿರುವುದರಿಂದ ಸಮುದ್ರ ಭಾಗಕ್ಕೆ ,
ವಿಶೇಷವಾಗಿ ಮೀನುಗಾರರು, ಸಣ್ಣ ಹಡಗುಗಳು, ದೋಣಿಗಳು ಮತ್ತು ಟ್ರಾಲರ್‌ಗಳು ಆಗ್ನೇಯ ಬಂಗಾಳ ಕೊಲ್ಲಿಗೆ ತೆರಳದಂತೆ IMD ಸೂಚಿಸಿದೆ.
ಆದರೆ, ಈಗ ಇರುವ ಮುನ್ಸೂಚನೆ ಪ್ರಕಾರ ಚಂಡಮಾರುತವು ಯಾವ ಭಾಗದಲ್ಲಿ ಸೃಷ್ಟಿಯಾಗಲಿದೆ ಎನ್ನುವುದು ನಿಖರವಾಗಿ ಪತ್ತೆಯಾಗಿಲ್ಲ.
IMD ವರದಿಯ ಪ್ರಕಾರ ಮೇ 7 ರಂದು ಅಂಡಮಾನ್ ಮತ್ತು ನಿಕೋಬಾರ್ ಮತ್ತು ಅದರ ನೆರೆಯ ಪ್ರದೇಶದ ಸುತ್ತಲೂ ತೀವ್ರ ಹವಾಮಾನ ಇರುತ್ತದೆ.
ಈ ಪ್ರದೇಶದಲ್ಲಿ ಗಂಟೆಗೆ 50-60 ಕಿಮೀ ವೇಗದಲ್ಲಿ ಭಾರೀ ಮಳೆಯಾಗಲಿದೆ. ಮೇ 8 ರಂದು, ಚಂಡಮಾರುತವು ಮಧ್ಯ ಬಂಗಾಳಕೊಲ್ಲಿಯ ಕಡೆಗೆ ಚಲಿಸುತ್ತದೆ,
ಅಲ್ಲಿ ಅದರ ಗಾಳಿಯ ವೇಗ ಗಂಟೆಗೆ 60-70 ಕಿ.ಮೀ. ಅಲ್ಲದೆ, ಮೇ 9 ರಂದು, ಅದರ ಶಕ್ತಿ ಹೆಚ್ಚಾದರೆ ತೀವ್ರತೆಯೂ ಹೆಚ್ಚಾಗುವ ಸಾಧ್ಯತೆ ಇದೆ.
ಕಡಿಮೆ ಒತ್ತಡದ ಪ್ರದೇಶ ರಚನೆಯಾದ ನಂತರ ಚಂಡಮಾರುತದ ಮಾರ್ಗ ಮತ್ತು ತೀವ್ರತೆಯ ಬಗ್ಗೆ ವಿವರಗಳನ್ನು ನೀಡಲಾಗುವುದು ಮತ್ತು
ನಾವು ಪ್ರಸ್ತುತ ಅದರ ಪಥವನ್ನು ಮೇಲ್ವಿಚಾರಣೆ ಮಾಡುತ್ತಿದ್ದೇವೆ ಎಂದು ಭಾರತೀಯ ಹವಾಮಾನ ಇಲಾಖೆಯ ಹವಾಮಾನ
ಇಲಾಖೆಯ ಮಹಾನಿರ್ದೇಶಕ ಡಾ.ಮೃದ್ಯುಂಜಯ್ ಮೊಹಾಪಾತ್ರ ತಿಳಿಸಿದ್ದಾರೆ.
ಈ ಚಂಡಮಾರುತಕ್ಕೆ ಯೆಮೆನ್ ದೇಶವು ಸೂಚಿಸಿದ 'ಮೋಚಾ' (Mocha Cyclone) ಎಂಬ ಹೆಸರನ್ನು ಈಡಲು ನಿರ್ಧರಿಸಲಾಗಿದೆ.
ಯೆಮೆನ್‌ನ ಕೆಂಪು ಸಮುದ್ರ ತೀರದಲ್ಲಿರುವ ಬಂದರು ನಗರವು ಮೊಕ್ಕಾ ಎಂಬ ಹೆಸರನ್ನು ಹೊಂದಿದೆ.
ಭಾರತದಲ್ಲಿ ಸಾಮಾನ್ಯವಾಗಿ ಎರಡು ಚಂಡಮಾರುತದ ಋತುಗಳು ಸೃಷ್ಟಿಯಾಗುತ್ತವೆ.
ಏಪ್ರಿಲ್‌ನಿಂದ ಜೂನ್ ಮತ್ತು ಅಕ್ಟೋಬರ್‌ನಿಂದ ಡಿಸೆಂಬರ್.
ಒಂದು ವರ್ಷದಲ್ಲಿ ಅತಿ ಹೆಚ್ಚು ಚಂಡಮಾರುತಗಳನ್ನು ಹೊಂದಿರುವ ತಿಂಗಳು ಮೇ ಎಂದು ಅಂದಾಜಿಸಲಾಗಿದೆ.
ಈ ಚಂಡಮಾರುತದಿಂದ ಕರ್ನಾಟಕ ಹಾಗೂ ತಮಿಳುನಾಡು ಸೇರಿದಂತೆ ವಿವಿಧೆಡೆ ಮಳೆ ಮುಂದುವರಿಯುವ ಸಾಧ್ಯತೆ ಇದೆ.
ಚಿತ್ರ ಕೃಪೆ: Pexels