ಕಲಬುರಗಿ ಜಿಲ್ಲಾ ಉದ್ಯೋಗ ವಿನಿಮಯ ಕಚೇರಿಯಲ್ಲಿ ಇದೇ ಸೆಪ್ಟೆಂಬರ್ 28 ರಂದು ಬೆಳಿಗ್ಗೆ 11 ರಿಂದ ಮಧ್ಯಾಹ್ನ 3 ಗಂಟೆಯವರೆಗೆ ಮಿನಿ ಉದ್ಯೋಗ ಮೇಳವನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಕಲಬುರಗಿ ಜಿಲ್ಲಾ ಉದ್ಯೋಗ ವಿನಿಮಯ ಕಚೇರಿಯ ಸಹಾಯಕ ನಿರ್ದೇಶಕರು ತಿಳಿಸಿದ್ದಾರೆ.
ಸ್ಯಾಂಕ್ ಫಾಮರ್ಸ್ಸ್ ಕೇರ್ ಪ್ರೈವೆಟ್ ಲಿಮಿಟೆಡ್ ದಲ್ಲಿ ಫೀಲ್ಡ್ ಸ್ಟಾಫ್ 3 (ಪುರುಷ) ಹುದ್ದೆಗಳಿಗೆ ಹಾಗೂ ಅಕೌಂಟೆಂಟ್-1 (ಮಹಿಳೆ) ಹುದ್ದೆಗೆ ಪದವೀಧರ ವಿದ್ಯಾರ್ಹತೆ ಹೊಂದಿರಬೇಕು. ಕಲಬುರಗಿಯ ಹೆಚ್‌ಸಿಜಿ ಕ್ಯಾನ್ಸರ್ ಸೆಂಟರ್‌ನಲ್ಲಿ ಸ್ಟಾಫ್ ನರ್ಸ್ 6 ಹುದ್ದೆಗಳಿಗೆ ಜಿ.ಎನ್.ಎಂ./ ಎ.ಎನ್.ಎಂ. ವಿದ್ಯಾರ್ಹತೆ ಹೊಂದಿರಬೇಕು. ಬಿಲ್ ಎಕ್ಸ್ಕ್ಯೂಟಿವ್-2 ಹುದ್ದೆಗೆ ಬಿಕಾಂ/ಬಿಬಿಎಂ ವಿದ್ಯಾರ್ಹತೆ ಹೊಂದಿರಬೇಕು. ಮಾರ್ಕೆಟಿಂಗ್-5 ಹುದ್ದೆಗಳಿಗೆ ಪದವೀಧರ ವಿದ್ಯಾರ್ಹತೆ ಹೊಂದಿರಬೇಕು. ಫಾರ್ಮಸಿ ಇನ್‌ಚಾರ್ಜ್ 1 ಹುದ್ದೆಗೆ ಹಾಗೂ ಕ್ಲಿನಿಕಲ್ ರಿಸರ್ಚ್ ಕೋ-ಆರ್ಡಿನೇಟರ್ 1 ಹುದ್ದೆಗಳಿಗೆ ಡಿ.ಫಾರ್ಮ/ ಬಿ. ಫಾರ್ಮಾ ವಿದ್ಯಾರ್ಹತೆ ಹೊಂದಿರಬೇಕು.
ಕಲಬುರಗಿಯ ಭಾರತ ಫೈನಾನ್‌ಷಿಯಲ್ ಇನ್‌ಕ್ಲುಷನ್ ಲಿಮಿಟೆಡ್‌ದಲ್ಲಿ ಬಿ.ಎಂ.ಓ./ ಎಲ್.ಓ./ ಎಫ್.ಎ.-34 ಹುದ್ದೆಗಳಿಗೆ ಎಸ್.ಎಸ್.ಎಲ್.ಸಿ./ ಪಿ.ಯು.ಸಿ. ಪಾಸಾಗಿರಬೇಕು. ಅನ್ನಪೂರ್ಣ ಫೈನಾನ್ಸ್ ಪ್ರೈವೆಟ್ ಲಿಮಿಟೆಡ್‌ದಲ್ಲಿ ಫಿಲ್ಡ್ ಕ್ರೇಡಿಟ್ ಆಫೀಸರ್-50 ಹುದ್ದೆಗೆ ಎಸ್.ಎಸ್.ಎಲ್.ಸಿ./ ಪಿ.ಯು.ಸಿ. ಪಾಸಾಗಿರಬೇಕು. ಕಲಬುರಗಿಯ ಐಟಿಐ ಡಿವಿಜನ್ ಆಫೀಸ್‌ನಲ್ಲಿ ಅಪ್ರೆಂಟಿಶಿಪ್ ಟ್ರೇನಿ ಹುದ್ದೆಗೆ ಐಟಿಐ (ಯಾವುದೇ ಟ್ರೇಡ್‌ಗಳಲ್ಲಿ) ವಿದ್ಯಾರ್ಹತೆ ಹೊಂದಿರಬೇಕು.
ಉದ್ಯೋಗ ಮೇಳಕ್ಕೆ ಹಾಜರಾಗುವ ಅಭ್ಯರ್ಥಿಗಳು ತಮ್ಮ ವೈಯಕ್ತಿಕ ಪರಿಚಯ (ರೆಸ್ಯೂಮ್) ಪತ್ರದ ಕನಿಷ್ಠ 6 ಪ್ರತಿಗಳನ್ನು ಕಡ್ಡಾಯವಾಗಿ ತರಬೇಕು. ಉದ್ಯೋಗ ಮೇಳದಲ್ಲಿ ಭಾಗವಹಿಸಲು ಯಾವುದೇ ಶುಲ್ಕ ನೀಡುವ ಅವಶ್ಯಕತೆ ಇರುವುದಿಲ್ಲ, ಇದು ಸಂಪೂರ್ಣವಾಗಿ ಉಚಿತವಾಗಿದೆ. ಉದ್ಯೋಗ ಮೇಳದಲ್ಲಿ ಪಾಲ್ಗೊಳ್ಳುವ ಪ್ರತಿಯೊಬ್ಬ ಅಭ್ಯರ್ಥಿಯು ಕಡ್ಡಾಯವಾಗಿ ಮಾಸ್ಕ್ ಧರಿಸಬೇಕು ಹಾಗೂ ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳಬೇಕು.
ಆಯಾ ಹುದ್ದೆಗಳಿಗೆ ನಿಗದಿಪಡಿಸಿದ ವಯೋಮಿತಿ ಹಾಗೂ ಹೆಚ್ಚಿನ ಮಾಹಿತಿಗಾಗಿ ಕಲಬುರಗಿ ಜಿಲ್ಲಾ ಉದ್ಯೋಗ ವಿನಿಮಯ ಕಚೇರಿಯನ್ನು ಹಾಗೂ ಕಚೇರಿ ದೂರವಾಣಿ ಸಂಖ್ಯೆ 08472-274846ಗೆ ಸಂಪರ್ಕಿಸಲು ಕೋರಲಾಗಿದೆ.