ಮಿಲಿಯನೇರ್ ಫಾರ್ಮರ್ ಆಫ್ ಇಂಡಿಯಾ 2023 ಮಹೀಂದ್ರ ಟ್ರಾಕ್ಟರ್ಸ್‌ ಪ್ರಯೋಜಕತ್ವದ ಮಹಾಕುಂಭದ ಎರಡನೇ ದಿನ ಮಹಿಳಾ ರೈತರ ಕೇಂದ್ರಬಿಂದುವಾಗಿತ್ತು.
ಕೃಷಿಜಾಗರಣವು ರೈತರು ಸಹ ಶ್ರೀಮಂತರಾಗಬಹುದು. ಕೋಟಿಗಳಲ್ಲಿ ಮಾತನಾಡಬಹುದು ಎನ್ನುವುದನ್ನು ನಂಬುತ್ತದೆ. ದೇಶಕ್ಕೆ ಅನ್ನ ನೀಡುವ ಕೈಗಳನ್ನು ಗುರುತಿಸುವ ಪ್ರಯತ್ನ ನಮ್ಮದಾಗಿದೆ. ಇದೇ ಕಾರಣಕ್ಕಾಗಿ ಮಿಲಿಯೇನರ್‌ ಫಾರ್ಮರ್ ಆಫ್ ಇಂಡಿಯಾ 2023ಅನ್ನು ಆಯೋಜಿಸಲಾಗಿದೆ. ಇದಕ್ಕೆ ಮಹೀಂದ್ರ ಟ್ರಾಕ್ಟರ್ಸ್‌ ಮುಖ್ಯ ಪ್ರಾಯೋಜಿಕತ್ವ ವಹಿಸಿದ್ದು, ಹಲವು ಸಂಸ್ಥೆಗಳು ಸಹಕಾರ ನೀಡಿವೆ. RFOI ಅಂದರೆ ರಿಚೆಸ್ಟ್‌ ಫಾರ್ಮರ್ ಆಫ್ ಇಂಡಿಯಾ ಹಾಗೂ ಮಿಲಿಯನೇರ್ ಫಾರ್ಮರ್ ಆಫ್ ಇಂಡಿಯಾ 2023ರನ್ನು ನಾವು ಪರಿಚಯಿಸಿದ್ದೇವೆ. ರೈತರಿಗೆ ಪ್ರಶಸ್ತಿ ನೀಡುವ ಕೃಷಿ ಜಾಗರಣದ ಈ ಪ್ರಯತ್ನ ದೇಶದಲ್ಲೇ ಮೊದಲು ಎನ್ನುವುದು ನಮ್ಮ ಹೆಮ್ಮೆ.
ಎಂ.ಸಿ ಡೊಮಿನಿಕ್‌ ಕೃಷಿ ಜಾಗರಣದ ಸಂಸ್ಥಾಪಕ ಹಾಗೂ ಮುಖ್ಯ ಸಂಪಾದಕ ಹಾಗೂ ಕೃಷಿ ಜಾಗರಣದ ಮ್ಯಾನೇಜಿಂಗ್‌ ಡೈರೆಕ್ಟರ್‌ ಶೈನಿ ಡೊಮಿನಿಕ್‌.
ರೈತ ಮಹಿಳಾ ಸಾಧಕಿಯರು ಮಹಾಕುಂಭದ ಎರಡನೇ ದಿನದಲ್ಲಿ ಮಿಂಚಿದರು. ಮಹಿಳಾ ಕೃಷಿ ಸಾಧಕರ ಕೊಡುಗೆ
ಹಾಗೂ ಅವರ ಸಾಧನೆಯನ್ನು ಕೃಷಿ ಜಾಗರಣದಿಂದ ಶ್ಲಾಘಿಸಲಾಯಿತು.
ಮಿಲಿಯನೇರ್ ಫಾರ್ಮರ್ ಆಫ್ ಇಂಡಿಯಾ ಅವಾರ್ಡ್ಸ್ 2023ರ ಎರಡನೇ ದಿನದಂದು ಹಲವು ಮಹಿಳಾ ಕೃಷಿ ಸಾಧಕರಿಗೆ ವೇದಿಕೆ ಕಲ್ಪಸಲಾಗಿತ್ತು.
ಅದರಲ್ಲಿ ಕರ್ನಾಟಕದ ಹೆಮ್ಮೆಯ ಪ್ರಗತಿಪರ ಸಾಧಕಿ ಕವಿತಾ ಮಿಶ್ರಾ ಅವರು ಸಹ ಒಬ್ಬರು ಎನ್ನುವುದು ವಿಶೇಷ.
ಕೃಷಿ ವಲಯದಲ್ಲಿ ಸಮೃದ್ಧಿಯನ್ನು ಹೆಚ್ಚಿಸಲು ಅವರ ಅತ್ಯುತ್ತಮ ಕೊಡುಗೆಗಳನ್ನು ಚರ್ಚಿಸಲಾಯಿತು.
ಕೃಷಿ ತಜ್ಞರು ಹಾಗೂ ಸಾಧಕಿ ಸುಮನ್ ಶರ್ಮಾ ಅವರ ಆತ್ಮೀಯ ಸ್ವಾಗತ ಭಾಷಣದೊಂದಿಗೆ ಎರಡನೇ ದಿನದ ಕಾರ್ಯಕ್ರಮ ಕಳೆ ಪಡೆದುಕೊಂಡಿತು.
ರಾಜಸ್ಥಾನದ ಪ್ರಗತಿಪರ ರೈತರಾದ ಸುಮನ್ ಶರ್ಮಾ ಅವರು ಕೃಷಿ ಸಮೃದ್ಧಿಗೆ ಗಣನೀಯ ಕೊಡುಗೆ ನೀಡುವ ಸುಸ್ಥಿರ ಮತ್ತು ದಕ್ಷ ಕೃಷಿ ಪದ್ಧತಿಗಳನ್ನು ಪರಿಚಯಿಸಿದರು.
ನೆಲ್ಲಿಕಾಯಿ ' ಅಮ್ಲಾ' ಮತ್ತು ' ಆಮ್ಲಾ' ಉತ್ಪನ್ನಗಳೊಂದಿಗೆ ತಮ್ಮ ಕೃಷಿ ವ್ಯಾಪಾರವನ್ನು ಹೇಗೆ ಪ್ರಾರಂಭಿಸಿದರು ಎಂಬುದನ್ನು
ಮಹಿಳಾ ಕೃಷಿಕರಿಗೆ ಪ್ರೇರೇಪಿಸಿದರು . ಆಮ್ಲಾ ಪೌಡರ್, ಆಮ್ಲಾ ಜ್ಯೂಸ್ ಮತ್ತು ಇತರ ಉತ್ಪನ್ನಗಳಂತಹ ವಿವಿಧ
ಆಮ್ಲಾ ಉತ್ಪನ್ನಗಳೊಂದಿಗೆ ಒಬ್ಬರು ತಮ್ಮ ವ್ಯವಹಾರವನ್ನು ಹೇಗೆ ವಿಸ್ತರಿಸಬಹುದು ಎಂಬುದನ್ನು ಅವರು ವಿವರಿಸಿದರು .
ಕೃಷಿಯಲ್ಲಿ ಯಾವುದೇ ಪದಾರ್ಥ ವ್ಯರ್ಥವಲ್ಲ. ಕೃಷಿ ಉತ್ಪನ್ನಗಳಿಗೆ ಉತ್ತಮ ಬೇಡಿಕೆಯಿಂದ ಅದಕ್ಕೆ ಇನ್ನಷ್ಟು ಮೆರಗು ನೀಡಬೇಕು ಎಂದರು.
ಆಲುಗಡ್ಡೆಗೆ ಉತ್ತಮ ಆದಾಯವಿದೆ ಸರಿ, ಇದೇ ಸಂದರ್ಭದಲ್ಲಿ ಆಲುಗಡ್ಡೆಯ ಚಿಪ್ಸ್‌ಗೆ ಇನ್ನಷ್ಟು ಆದಾಯವಿದೆ.
ಅದೇ ರೀತಿ ಎಲ್ಲೆಲ್ಲಿ ಕೃಷಿ ಉತ್ಪನ್ನಗಳ ಗುಣಮಟ್ಟ ಹೆಚ್ಚಿಸಲು ಸಾಧ್ಯವಿದೆಯೋ ಅದನ್ನು ನೋಡಬೇಕು.
ಆಮ್ಲದಲ್ಲಿ ನಾವು ಹಲವು ಉತ್ಪನ್ನಗಳನ್ನು ತಯಾರಿಸಿದ್ದೇವೆ ಎಂದರು.
ಸಂಕ್ಷಿಪ್ತವಾಗಿ ಹೇಳುವುದಾದರೆ ಎಲ್ಲಾ ಸರಕುಗಳನ್ನು ಪುಡಿ ರೂಪದಲ್ಲಿ ಪರಿವರ್ತಿಸುವ ಮೂಲಕ ದೀರ್ಘಕಾಲದವರೆಗೆ ಇರಿಸಬಹುದು ಎಂದರು.
"ರೈತರು ಬೆಳ್ಳುಳ್ಳಿಯನ್ನು ಒಣಗಿಸಿ ಪುಡಿಯನ್ನು ತಯಾರಿಸಬಹುದು ಮತ್ತು ದೀರ್ಘಕಾಲದವರೆಗೆ ಸಂಗ್ರಹಿಸಬಹುದು" ಎಂದು ಅವರು ಹೇಳಿದರು.
ಗೌರವಾನ್ವಿತ ಸಮಿತಿಯಲ್ಲಿ, SML ಲಿಮಿಟೆಡ್‌ನ ನಿರ್ದೇಶಕರಾದ ಕೋಮಲ್ ಷಾ, ಹವಾಮಾನ ಬದಲಾವಣೆಯು ಕೃಷಿಯ ಮೇಲೆ ಹೇಗೆ ಪರಿಣಾಮ ಬೀರುತ್ತಿದೆ
ಎಂಬುದರ ಕುರಿತು ಮಾತನಾಡಿದರು. ಸರಿಸುಮಾರು 23 ಶೇಕಡಾ ಹಸಿರುಮನೆ ಅನಿಲ ಹೊರಸೂಸುವಿಕೆಯನ್ನು ಹೊಂದಿದೆ.
ಈ ಪರಿಣಾಮಗಳನ್ನು ತಗ್ಗಿಸುವಲ್ಲಿ ಸುಸ್ಥಿರ ಕೃಷಿ ಪದ್ಧತಿಗಳ ಪ್ರಾಮುಖ್ಯತೆ ಇದೆ ಎಂದರು.
ರೈತ ಮಹಿಳೆ ಸುನೀತಾ ಅವರು ಮಾತನಾಡಿ ಕಳೆದ 10 ವರ್ಷಗಳಿಂದ ಹುಳುಗಳ ಅಧ್ಯಯನ ಮತ್ತು ಕೀಟನಾಶಕ ಮತ್ತು ರಸಗೊಬ್ಬರಗಳಿಲ್ಲದೆ
ಕೃಷಿಯನ್ನು ಹೇಗೆ ಮಾಡುತ್ತಿರುವುದಾಗಿ ಹೇಳಿದರು. ತಮ್ಮ ಹಳ್ಳಿಯಲ್ಲಿ ಹುಳುಗಳು, ಅದರ ಬೆಳವಣಿಗೆಯ ವಿವಿಧ ಹಂತಗಳು ಮತ್ತು ಪ್ರಭೇದಗಳನ್ನು
ಅಧ್ಯಯನ ಮಾಡಲು ಮೀಸಲಾದ ಗುಂಪಿನ ಭಾಗವಾಗಿರುವುದಾಗಿ ಇದರಿಂದ ಅನುಕೂಲವಾಗಿರುವುದಾಗಿ ಹೇಳಿದರು.
ದೆಹಲಿ ವಿಶ್ವವಿದ್ಯಾನಿಲಯದ ಶ್ರೀರಾಮ್ ಕಾಲೇಜ್ ಆಫ್ ಕಾಮರ್ಸ್‌ನ ಪ್ರಾಂಶುಪಾಲರಾದ ಸಿಮಿತ್ ಕೌರ್ ಅವರು ಅಮೂಲ್ಯವಾದ
ಶೈಕ್ಷಣಿಕ ದೃಷ್ಟಿಕೋನಗಳನ್ನು ಒದಗಿಸಿದರು. ಮುಂದಿನ ಪೀಳಿಗೆಯ ಮಹಿಳಾ ಕೃಷಿಕರು ಮತ್ತು ಕೃಷಿ ಕ್ಷೇತ್ರದಲ್ಲಿ ನಾಯಕರನ್ನು
ಬೆಳೆಸುವಲ್ಲಿ ಶಿಕ್ಷಣದ ಪಾತ್ರವನ್ನು ಒತ್ತಿಹೇಳಿದರು. ಅಲ್ಲದೆ, ಉತ್ಪಾದನೆಯನ್ನು ಹೇಗೆ ಹೆಚ್ಚಿಸಬಹುದು
ಸಾವಯವ ಗೊಬ್ಬರಗಳು ಮತ್ತು ಆರ್ಥಿಕ ನೆರವು ಹೇಗೆ ಬೆಳೆಯಲು ಸಹಾಯ ಮಾಡುತ್ತದೆ ಎಂದರು.
ಮಹಿಳಾ ಸಾಧಕಿಯರಿಗೆ ಸನ್ಮಾನ
ರಾಜ್ಯದ ಪ್ರಗತಿಪರ ರೈತರಾದ ಕವಿತಾ ಮಿಶ್ರಾ ಅವರು ಸೇರಿದಂತೆ ಹಲವು ರೈತ ಮಹಿಳೆಯರಿಗೆ
ಇದೇ ಸಂದರ್ಭದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಯಿತು.
ಮಹಿಳಾ ಸಾಧಕಿಯರ ಕೊಡುಗೆ ಹಾಗೂ ಅವರು ಕೃಷಿ ಕ್ಷೇತ್ರದಲ್ಲಿ ಮಾಡಿರುವ ಸಾಧನೆಯ ಬಗ್ಗೆ
ಹಲವು ರೈತ ಮಹಿಳೆಯರಿಗೆ ತಿಳಿಸುವ ಮೂಲಕ ಎರಡನೇ ದಿನದ
ಕಾರ್ಯಕ್ರಮ ಮಹಿಳಾ ಮಣಿಗಳ ಆಕರ್ಷಣೆಯ ಕೇಂದ್ರ ಬಿಂದುವಾಗಿತ್ತು.