ದೇಶ-ವಿದೇಶಗಳಲ್ಲಿ ಪ್ರಾಣಿಗಳ ಹರಾಜು ಹೊಸದೇನಲ್ಲ ಈ ಪ್ರಕ್ರಿಯೇ ಯಾವಾಗಲು ನಡೆಯುತ್ತಲೆ ಇರುತ್ತದೆ. ಸದ್ಯ ಇದರಿಂದಾಗಿ ಆಸ್ಟ್ರೇಲಿಯಾದ ಮೇಕೆಯೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಬಹು ಚರ್ಚೆಗೆ ಗ್ರಾಸವಾಗಿದೆ. ಯಾಕೆ ಆ ಮೇಕೆ ಚರ್ಚೆಗೆ ಕಾರಣವಾಗಿದ ಎಂಬುದನ್ನು ಈ ಲೇಖನದಲ್ಲಿ ತಿಳಿದುಕೊಳ್ಳೋಣ.
ಯೆಸ್‌ ವಾಸ್ತವವಾಗಿ, ಮಾರಕೇಶ್ ಮೇಕೆ ಎಂದು ಕರೆಯಲ್ಪಡುವ ಮೇಕೆ ಆಸ್ಟ್ರೇಲಿಯಾದಲ್ಲಿ ಬರೋಬ್ಬರಿ 15.6 ಲಕ್ಷಕ್ಕೆ ಹರಾಜಾಯಿತು ಎಂದು ವರದಿಗಳಾಗಿವೆ. ವೆಸ್ಟ್ ನ್ಯೂ ಸೌತ್ ಆಸ್ಟ್ರೇಲಿಯಾದ ಕೋಬ್ರೆಯಲ್ಲಿ ಮೇಕೆಯನ್ನು ಹರಾಜು ಮಾಡಲಾಗಿದೆ. ಈ ಹಿಂದೆ ಭಾರತದಲ್ಲಿ ಬ್ರಾಕ್ ಎಂಬ ಮೇಕೆ 6.40 ಲಕ್ಷಕ್ಕೆ ಹರಾಜಾಗಿತ್ತು. ಸದ್ಯ ಈ ಮೇಕೆ ಈ ಎಲ್ಲಾ ಮೇಕೆಗಳಿಗಿಂತ ದುಬಾರಿ ಮೊತ್ತಕ್ಕೆ ಬಿಕರಿಯಾಗಿ ಸಾಕಷ್ಟು ಸುದ್ದಿಯಲ್ಲಿದೆ.
ಮಾಧ್ಯಮ ವರದಿಗಳ ಪ್ರಕಾರ, ಖರೀದಿದಾರನನ್ನು ಆಂಡ್ರ್ಯೂ ಮೊಸ್ಲಿ ಎಂದು ಗುರುತಿಸಲಾಗಿದೆ. ಅವರು ಹಸು ಸಾಕಾಣಿಕೆ ಮಾಡುತ್ತಿದ್ದು ಅವರೇ ಈ ಮೇಕೆಯನ್ನು ಖರೀದಿಸಿದ್ದಾರೆ ಎನ್ನಲಾಗಿದೆ. ಅವರು ಕುರಿ, ಮೇಕೆ ಮತ್ತು ಕೆಲವು ಜಾನುವಾರುಗಳನ್ನು ಸಹ ಸಾಕುತ್ತಾರೆ. ಇವರಿಗೆ ಮೇಕೆ ಸಾಕಾಣಿಕೆಯಲ್ಲಿಯೂ ಅಪಾರ ಆಸಕ್ತಿ.
"ಮೊರೊಕನ್ ಆಡುಗಳು ದುಬಾರಿಯಾಗಿದೆ ಏಕೆಂದರೆ ಅವು ಈ ಸಮಯದಲ್ಲಿ ತುಂಬಾ ಚಿಕ್ಕದಾಗಿರುತ್ತವೆ" ಎಂದು ಅವರು ಹೇಳಿದರು. ಈ ಮೇಕೆ ನೋಡಲು ತುಂಬಾ ಸುಂದರ ಮತ್ತು ಆರೋಗ್ಯಕರವಾಗಿರುತ್ತದೆ.
ಬಲು ದುಬಾರಿಯಾದ ಮೇಕೆ ಹಾಲಿಗೆ ಯಾಕಿಷ್ಟು ಬೇಡಿಕೆ?
ಪ್ರತಿದಿನ ಒಂದು ಲೋಟ ಹಾಲು ಕುಡಿಯುವುದರಿಂದ ನಮ್ಮ ದೇಹದ ಬೆಳವಣಿಗೆಗೆ ಅಗತ್ಯವಾದ ಪ್ರೋಟೀನ್, ಕಾರ್ಬೋಹೈಡ್ರೇಟ್, ಖನಿಜಗಳು ಮತ್ತು ಕೊಬ್ಬುಗಳು ಹೇರಳವಾಗಿ ದೊರೆಯುತ್ತವೆ ಎಂದು ಎಲ್ಲರಿಗೂ ತಿಳಿದಿದೆ.
ಆದರೆ ಇತ್ತೀಚಿನ ಅಧ್ಯಯನದ ಪ್ರಕಾರ ಆಡಿನ ಹಾಲಿನಲ್ಲಿ ನಾವು ಪ್ರತಿದಿನ ಕುಡಿಯುವ ಹಸುವಿನ ಹಾಲು ಮತ್ತು ಎಮ್ಮೆಯ ಹಾಲಿಗಿಂತ ಹೆಚ್ಚಿನ ಕ್ಯಾಲ್ಸಿಯಂ, ಪ್ರೋಟೀನ್ ಮತ್ತು ಕಾರ್ಬೋಹೈಡ್ರೇಟ್‌ಗಳಿವೆ ಮತ್ತು ನಮಗೆ ಶಕ್ತಿ ನೀಡುವುದಲ್ಲದೆ, ನಮ್ಮ ಆರೋಗ್ಯವನ್ನು ರಕ್ಷಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಈಗ ಇದರ ಬಗ್ಗೆ ತಿಳಿಯೋಣ. ಮೇಕೆ ಹಾಲಿನ ಪೌಷ್ಟಿಕಾಂಶದ ಮೌಲ್ಯ ಮತ್ತು ಆರೋಗ್ಯ ಪ್ರಯೋಜನಗಳು.
ಆಡಿನ ಹಾಲಿನಲ್ಲಿ ಹಸುವಿನ ಹಾಲಿಗಿಂತ ಹೆಚ್ಚು ವಿಟಮಿನ್ ಡಿ ಮತ್ತು ಕ್ಯಾಲ್ಸಿಯಂ ಇದ್ದುಮೂಳೆಗಳ ಬಲವನ್ನು ಹೆಚ್ಚಿಸುತ್ತದೆ. ಆದ್ದರಿಂದ ಪ್ರತಿದಿನ ಆಡಿನ ಹಾಲನ್ನು ಕುಡಿದರೆ ವಯಸ್ಸಾದ ನಂತರ ಬರುವ ಕೀಲು ನೋವು, ಸಂಧಿವಾತ, ಸಂಧಿವಾತದಿಂದ ದೂರವಿರಬಹುದು.
ಮೇಕೆ ಹಾಲಿನಲ್ಲಿರುವ ಕೊಬ್ಬಿನ ಅಣುಗಳು ಸುಲಭವಾಗಿ ಜೀರ್ಣವಾಗುವಂತೆ ಮಾಡುತ್ತದೆ. ಹಾಗಾಗಿ ಜೀರ್ಣಕ್ರಿಯೆ ಸಮಸ್ಯೆಯಿಂದ ಬಳಲುತ್ತಿರುವವರು ಪ್ರತಿದಿನ ಆಡಿನ ಹಾಲನ್ನು ಕುಡಿಯುವುದು ಉತ್ತಮ.
ಆಡಿನ ಹಾಲಿನಲ್ಲಿ ಸೆಲೆನಿಯಮ್ ಸಮೃದ್ಧವಾಗಿದೆ, ಇದು ನಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಹೀಗೆ ಹಲವು ಬಗಯ ಕಾರ್ಸಿನೋಜೆನ್ ಗಳನ್ನು ನಿರ್ಮೂಲನೆ ಮಾಡಬಹುದು. ಆಡಿನ ಹಾಲಿನಲ್ಲಿ ವಿಟಮಿನ್ ಎ ಮತ್ತು ಇ ಸಮೃದ್ಧವಾಗಿದೆ, ಇದು ಚರ್ಮದ ಸಮಸ್ಯೆಗಳನ್ನು ನಿವಾರಿಸುತ್ತದೆ ಮತ್ತು ಚರ್ಮದ ಮೇಲೆ ಹೊಸ ಕೋಶಗಳನ್ನು ಉತ್ತೇಜಿಸುತ್ತದೆ.
ತೆಂಗಿನ ಹಾಲಿನೊಂದಿಗೆ ಆಡಿನ ಹಾಲನ್ನು ಬೆರೆಸಿ ಮುಖ ತೊಳೆದರೆ ಹಾಲಿನಲ್ಲಿರುವ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಮುಖದಲ್ಲಿರುವ ಕಲೆಗಳು ಮತ್ತು ಮೊಡವೆಗಳನ್ನು ಹೋಗಲಾಡಿಸುತ್ತದೆ. ಪ್ರತಿದಿನ ಆಡಿನ ಹಾಲನ್ನು ಕುಡಿಯುವುದರಿಂದ ಕೆಂಪು ರಕ್ತ ಕಣಗಳ ಬೆಳವಣಿಗೆಯಲ್ಲಿ ಸಮೃದ್ಧವಾಗಿದೆ ಮತ್ತು ಹಾನಿಕಾರಕ ರಕ್ತ ಹೀನತೆಯನ್ನು ತಡೆಯಬಹುದು.